CTNL

Actualmente non ten instalado ou necesita actualizar o plugin Flash Player necesario para visualizar correctamente esta web
pode descargalo na siguiente dirección.
Obtener Flash

A CTNL formámola... A CTNL formámola...
Recursos na rede Recursos na rede

Formación


1868 votos
Votar | | | |


16-07-2013

Na procura de maior participación e implicación no proceso social de normalización lingüística

Como acadar a implicación cidadá en procesos sociais como o de normalización lingüística? Para iso está este Curso de verán sobre participación, implicación e traballo colaborativo que ten lugar en Carballo do mércores 17 ao venres 19 de xullo, e do que se fai seguimento nas redes sociais a través do hashtag #traballandoenlingua.


Un curso no que participan responsables e persoas implicadas en asociacións diversas, servizos e equipos de normalización, entidades varias, colectivos sociais, culturais, xuvenís..., e persoas interesadas en xeral que poden aplicar as dinámicas de participación e implicación a diversos ámbitos alén do sociolingüístico.

O programa completo pódese consultar aquí >

De “as portas están abertas” a “este proxecto é teu”; a importancia da democracia implicativa; experiencias de implicación desde a base ou desde entidades; a participación na dinamización en Euskal Herria; as potencialidade do xogo serio para a implicación en proxectos; a comunicación implicativa; etc. Estes son algúns dos temas que se traballarán neste curso que a Universidade da Coruña, en colaboración coa Coordinadora de Traballadores/as de Normalización da Lingua (CTNL), a Xunta e o Concello de Carballo, organiza do 17 ao 19 de xullo no edificio Forum Carballo.

Os obxectivos principais son reflexionar sobre o papel central da participación, a implicación e o traballo colaborativo nos procesos de cambio social e coñecer e procurar formas de busca e apoio da participación e implicación na dinamización lingüística.

Intervencións, mesas, propostas e grupos de traballo ao longo de tres días

Ao longo destes tres días intervirán persoas expertas como a arquitecta salvadoreña Alicia Tenze, da Rede Cimas, de profesionais comprometidos/as coa transformación social, que na conferencia inaugural falará sobre métodos e estratexias de implicación. Tamén se coñecerán experiencias de implicación galegas desde administracións, como o proxecto Sonda Norte, de Ribadeo, a través de Xavier Campos, ou a Rede de Entidades Amigas da Lingua, de Pontevedra, a través de Conchi Cochón; e a viceversa, con experiencias de implicación desde a base, coa intervención do dinamizador e contador Celso F. Sanmartín, do crego Rubén Aramburu ou de Paco Veiga, da Asociación Galega do Xogo Popular e Tradicional. Para pechar o día haberá unha sesión de xogos populares.

No segundo día, o técnico da cooperativa vasca Emun, Txerra Rodríguez, falará sobre a participación e a implicación no traballo dinamizador en Euskal Herria. A continuación, o coach madrileño e facilitador Lego Serious Play, Carlos Martínez, explicará as potencialidades innovadoras do “xogo serio” para a implicación en proxectos. Da man do dinamizador burelao Bernardo Penabade, as persoas participantes coñecerán métodos, estratexias e experiencias de implicación en dinamización lingüística, e, para pechar o día, Queca Carballo presentará o Viveiro de propostas normalizadoras da CTNL, a partir do que as participantes traballarán en diversas propostas.

E xa o último día, o venres 19 de xullo, a presidenta de Implicad@s no Desenvolvemento e educadora social, Ania Piñeiro, explicará métodos e experiencias para a comunicación implicativa. Da conferencia de clausura encargarase a consultora catalá en xestión pública e participación cidadá Marta Martorell, que falará de democracia implicativa para os procesos de cambio social.

En redes sociais como Facebook ou Twitter farase seguimento do curso a través do hashtag #traballandoenlingua

Utiliza a nova

Enviar por Email  Enviar nova
Redes sociais  Chuza! Meneame del.icio.us digg Fresqui

Comentarios


Hemeroteca:  2007 2008 2009 2010 2011 2012 2013 2014 2015 2016 2017

Avisos

    mes anterior
    Novembro de 2017
    mes seguinte
    Calendario da axenda de Artezanía de Galicia
    L M M X V S D
        1 2 3 4 5
    6 7 8 9 10 11 12
    13 14 15 16 17 18 19
    20 21 22 23 24 25 26
    27 28 29 30    
    Próximos eventos

    • Agasallo. Propostas de regalos en galego
    • Asociate á CTNL
    • Gústame... o galego
    • Viveiro de propostas normalizadoras
    • Proposta para a mellora da planificación e xestión dos Celga
    • Traballarmos en dinamización lingüística | Isa Vaquero
    • En defensa do traballo xusto e ilusionante dos SNL
    • Axenda da lingua
    • Envianos
    • Canles de novas da CTNL
    • Facebook da CTNL
    • Kit para a normalización da lingua
    • Queremos Galego
    • Eu.gal: Por un dominio galego