CTNL

Actualmente non ten instalado ou necesita actualizar o plugin Flash Player necesario para visualizar correctamente esta web
pode descargalo na siguiente dirección.
Obtener Flash

A CTNL formámola... A CTNL formámola...
Recursos na rede Recursos na rede

CTNL


1957 votos
Votar | | | |


11-12-2013

Agasallo.eu, unha plataforma na rede en que xa podes buscar regalos en galego de todo tipo

Agasallo.eu, unha plataforma na rede en que xa podes buscar regalos en galego
Un disco, un xogo, unha camisola, un libro, unha cea, unha entrada a un concerto, un licor ou viño, unha subscrición, un dvd, unha fin de semana de turismo rural... En galego tes unha chea de opcións para elixir regalos, e a plataforma Agasallo.eu ten o obxectivo de propolas, difundilas e facer que a xente as coñeza e as teña sempre en conta


Para o Nadal, para un aniversario, para o Día d@s Namorad@s, para unha amiga ou amigo, para levar algo cando te convidan a cear na casa de alguén, para o Día da Nai ou do Pai, para o Día de Rosalía, para quen queiras, para cando queiras. As ocasións para agasallar alguén son múltiples, e desde a Coordinadora de Traballadores/as de Normalización da Lingua (CTNL) queremos que en todas elas se teña en conta a lingua.

Para isto puxemos en marcha Agasallo.eu, unha plataforma dixital que compila, difunde, dá a coñecer e recomenda agasallos en galego de diverso tipo, para todas as idades e para todo tipo de acontecementos e épocas do ano.

No buscador de Agasallo.eu podes introducir criterios como o prezo, a idade da persoa que recibirá o regalo ou o tipo de produto en que pensas, e obterás unha primeira listaxe de ideas para ir concretando. De cada proposta tes información completa, e tamén información sobre como e onde conseguila, xa sexa acudindo fisicamente a unha tenda ou mercándoa a través da rede, nos casos en que sexa posible (directamente a través de Agasallo.eu non se vende).

TAMÉN SE PODEN CREAR AUTOMATICAMENTE CATÁLOGOS DISTRIBUÍBLES

En Agasallo.eu tamén se poden crear revistas en .pdf. Esta é unha opción moi boa para que centros de ensino, asociacións, empresas, entidades..., poidan facer unha selección ao seu gusto, personalizala e difundila.

O sistema permite crear unha escolma de propostas de regalos en galego nun catálogo no que se poden escoller o estilo e deseño, poñerlle un título e incluso engadirlle un logo ou imaxe, para despois poder ser distribuído como se queira, imprimilo en A4, envialo por correo electrónico ou subilo a unha páxina web.


Agasallo.eu é unha proxecto que está desenvolvido pola Coordinadora de Traballadores/as de Normalización da Lingua (CTNL), e que naceu do Viveiro de propostas normalizadoras, igual que o fixo, por exemplo, a campaña Gústame o galego. Para o seu desenvolvemento contouse con colaboración económica da Xunta de Galicia. Na plataforma tamén colaboran coa difusión e implicación de empresas outras entidades, como a Asociación Galega de Editores (AGE) ou Abertos ao Galego, da Mesa pola Normalización Lingüística.

O web nace cunha serie de propostas e empresas participantes, que se irán actualizando e incrementando nos vindeiros días.

> Web Agasallo.eu
> Facebook de Agasallo.eu
> Twitter de Agasallo.eu
> Ferramenta para a creación de catálogos en .pdf

Utiliza a nova

Enviar por Email  Enviar nova
Redes sociais  Chuza! Meneame del.icio.us digg Fresqui

Comentarios


Hemeroteca:  2007 2008 2009 2010 2011 2012 2013 2014 2015 2016 2017

Avisos

    mes anterior
    Novembro de 2017
    mes seguinte
    Calendario da axenda de Artezanía de Galicia
    L M M X V S D
        1 2 3 4 5
    6 7 8 9 10 11 12
    13 14 15 16 17 18 19
    20 21 22 23 24 25 26
    27 28 29 30    
    Próximos eventos

    • Agasallo. Propostas de regalos en galego
    • Asociate á CTNL
    • Gústame... o galego
    • Viveiro de propostas normalizadoras
    • Proposta para a mellora da planificación e xestión dos Celga
    • Traballarmos en dinamización lingüística | Isa Vaquero
    • En defensa do traballo xusto e ilusionante dos SNL
    • Axenda da lingua
    • Envianos
    • Canles de novas da CTNL
    • Facebook da CTNL
    • Kit para a normalización da lingua
    • Queremos Galego
    • Eu.gal: Por un dominio galego