CTNL

Actualmente non ten instalado ou necesita actualizar o plugin Flash Player necesario para visualizar correctamente esta web
pode descargalo na siguiente dirección.
Obtener Flash

A CTNL formámola... A CTNL formámola...
Recursos na rede Recursos na rede

Lingua


1236 votos
Votar | | | |


29-03-2014

Ponse en marcha Como cho digo ;-), para a visibilización do uso do galego na comunicación

Ponse en marcha Como cho digo ;-), para a visibilización do uso do galego na comunicación
Hai moitas máis persoas e entidades que usan normalmente o galego, do que os medios reflicten. Por iso se pon en marcha esta campaña, Como cho digo ;-), para visibilizar o uso do galego na comunicación. Para que se vexa a lingua galega nos medios


O que se quere facer con esta campaña, Como cho digo ;-), impulsada desde a Coordinadora de Traballadores/as de Normalización da Lingua (CTNL), é dicir que nos gustaría que o galego se vexa máis nos medios de comunicación e que, polo tanto, que estes o usen, cando menos, para informar dos actos desenvolvidos en galego, para reflectir as declaracións cando se fan en lingua galega, para crear informacións a partir de notas e comunicados redactados na nosa lingua, etc.

E é que cada día son moitas as entidades, asociacións, concellos, etc., que envían notas de prensa en galego, que organizan conferencias de prensa nas que se usa a nosa lingua, que desenvolven actos, etc., e que despois son traducidos nos medios, son comunicados na prensa noutra lingua. E o mesmo acontece con moitas persoas que fan declaracións, conceden entrevistas, etc.

Así convidamos a que o que se di ou acontece en galego, sexa transmitido nos medios nesta mesma lingua. E convidamos tamén ás persoas e entidades que teñen presenza pública e que estean de acordo con isto, a que se sumen a Como cho digo ;-).



De inicio, e como impulsoras da campaña, xa o fixeron moitas e de todos os ámbitos, como o deporte (Fernando Vázquez, Verónica Boquete, Moncho Fernández...), a música (Uxía, Roi Casal, Sés...), a universidade (os reitores das tres universidades galegas, Jorge Mira, Ángel Carracedo...), o asociacionismo (Ana Olveira, presidente da Unión de Consumodor@s; Susana Romero, voceira de controlador@s aére@s...), a literatura (Manuel Rivas, Yolanda Castaño, Pep Carreiro...), o teatro e o audiovisual (Mónica Camaño, Federico Pérez, María Mera...), a xustiza (José Juan Barreiro, Luís Villares...), etc.

Tamén de inicio, e como impulsoras, participan diversas entidades, como A Mesa pola Normalización Lingüística, Asociación de Actores e Actrices de Galicia (AAAG), Asociación de Escritores/as en Lingua Galega (AELG), Asociación Socio-Pedagóxica Galega (AS-PG), Nova Escola Galega, Asociación Galega de Onomástica (AGOn), Asociación Galega de Editores (AGE), Asociación Galega do Xogo Popular e Tradicional (AGXPT), Associaçom Galega da Língua (Agal), Xuíces para a Democracia ou Implicad@s no Desenvolvemento.

Nas vindeiras semanas e meses iranse desenvolvendo, a través de servizos de normalización lingüística (SNL) e de entidades varias, actos en diversos puntos do país para visibilizar a campaña e as novas adhesións.

E é que queremos que o galego se vexa. Como cho digo ;-)

Utiliza a nova

Enviar por Email  Enviar nova
Redes sociais  Chuza! Meneame del.icio.us digg Fresqui

Comentarios


Hemeroteca:  2007 2008 2009 2010 2011 2012 2013 2014 2015 2016 2017

Avisos

    mes anterior
    Agosto de 2017
    mes seguinte
    Calendario da axenda de Artezanía de Galicia
    L M M X V S D
      1 2 3 4 5 6
    7 8 9 10 11 12 13
    14 15 16 17 18 19 20
    21 22 23 24 25 26 27
    28 29 30 31    
    Próximos eventos

    • Agasallo. Propostas de regalos en galego
    • Asociate á CTNL
    • Gústame... o galego
    • Viveiro de propostas normalizadoras
    • Proposta para a mellora da planificación e xestión dos Celga
    • Traballarmos en dinamización lingüística | Isa Vaquero
    • En defensa do traballo xusto e ilusionante dos SNL
    • Axenda da lingua
    • Envianos
    • Canles de novas da CTNL
    • Facebook da CTNL
    • Kit para a normalización da lingua
    • Queremos Galego
    • Eu.gal: Por un dominio galego