CTNL

Actualmente non ten instalado ou necesita actualizar o plugin Flash Player necesario para visualizar correctamente esta web
pode descargalo na siguiente dirección.
Obtener Flash

A CTNL formámola... A CTNL formámola...
Recursos na rede Recursos na rede

Lingua


89 votos
Votar | | | |


11-10-2017

O 9 de novembro: nova edición do LGx15!

LGx15 2017
O vindeiro 9 de novembro haberá unha nova edición do LGx15. Ideas para o futuro da lingua. Teremos outra vez oito presentacións que nos transmitirán de maneira visual, entretida e divertida ideas, argumentos e consellos para influír nas actitudes e na conciencia lingüística. Haberá ademais humor e música, é dicir, consistirá nun evento festivo e divertido para reflexionarmos sobre o futuro da lingua. Será ás 18 h na Sala Capitol de Compostela.


Con intervencións dun máximo de 15 minutos, os/as convidados/as desta edición falarannos de temas tan variados coma a economía social, as tendencias, a educación e a crianza, a dobraxe, a autoconciencia e a conciencia colectiva, a necesidade do uso da lingua, o humor, as síndromes que nos caracterizan... Diferentes aspectos que nos axudarán a reflexionar sobre o futuro da nosa lingua con novos argumentos e alento reforzado. Haberá tamén música en directo e humor. Un formato diferente para falar do futuro da lingua e intentar influír no imaxinario colectivo arredor do idioma lanzando propostas, mensaxes, experiencias e ideas.

Cando? Onde?
Terá lugar o xoves 9 de novembro, ás 18.00 h, na Sala Capitol de Santiago de Compostela. As entradas para o evento xa están á venda ao prezo de 6 euros (na rede aquí, e fisicamente na Tenda A Reixa, situada no número 46 da compostelá rúa do Hórreo. O día do evento custarán 10 € na billeteira).

Quen intervén este ano?
En LGx15 intervirán Alonso Caxade (músico, mestre e pai, que nos falará sobre crianza e docencia), Cecilia Fernández (editora xefa da revista Coolt, quen trae o tema das tendencias ao LGx15), Iria Veiga (médica psiquiatra, que nos vai presentar a síndrome do Noroeste), José Antonio Rubal (especialista en dobraxe e en "ondas vitais" para o galego), Nuria Espasandín (estudante e youtubeira, que ten claro que o galego non é unha peza de museo), Patricia Buxán e Miguel Braña (tradutores e socios de Catro Ventos Editora, que nos van descubrir a importancia da lingua na economía social), Pedro Brandariz (humorista que sabe que se poden conseguir moitos avances facendo o humor), e Alba García, Fátima Fathallah, Brais García e Jonathan Blanco (estudantes do Club de Debate do IES Xulián Magariños de Negreira, que nos traerán as ideas para o futuro da lingua dos máis novos).

A música virá da man de MJ Pérez. E conducirá o acto o actor e divulgador científico Vicente Mohedano.


A primeira edición do LGx15 tivo lugar en novembro do ano 2015, e nela participaran Luís Iglesia, Xurxo Mariño, Lara Tigre, Manuel N. Singala, Carmen Grimaldi e Xosé Lois Vilar, ademais das actuacións de AldaoLado, Alba María e Xenderal. A segunda edición foi en novembro do ano pasado e contou coas intervencións de Alberte Lamazares, Belén Regueira, Elena Ferro, Diana Fernández e David Díaz (Bolboretas no bandullo), Marcus Fernández, María Yáñez, Mark Wiersma e Rosalía Fernández Rial, coa actuación musical dos Poetarras e a presentación dos regueifeiros Josinho da Teixeira e Luís O Caruncho.

Os vídeos desas diversas charlas poden verse en Youtube (2015 e 2016), pois unha parte fundamental deste proxecto é tamén a difusión desas ideas a través da rede.

LGx15 é, polo tanto, un cóctel en forma de evento organizado pola Coordinadora de Traballadores/as de Normalización da Lingua (CTNL), coa colaboración económica da Secretaría Xeral de Política Lingüística, e pensado para o entusiasmo, a diversión, a reflexión e o futuro do galego.

Máis información no web de LGx15 e no perfil de Facebook do evento.

Utiliza a nova

Enviar por Email  Enviar nova
Redes sociais  Chuza! Meneame del.icio.us digg Fresqui

Comentarios


Hemeroteca:  2007 2008 2009 2010 2011 2012 2013 2014 2015 2016 2017

Avisos

    mes anterior
    Novembro de 2017
    mes seguinte
    Calendario da axenda de Artezanía de Galicia
    L M M X V S D
        1 2 3 4 5
    6 7 8 9 10 11 12
    13 14 15 16 17 18 19
    20 21 22 23 24 25 26
    27 28 29 30    
    Próximos eventos

    • Agasallo. Propostas de regalos en galego
    • Asociate á CTNL
    • Gústame... o galego
    • Viveiro de propostas normalizadoras
    • Proposta para a mellora da planificación e xestión dos Celga
    • Traballarmos en dinamización lingüística | Isa Vaquero
    • En defensa do traballo xusto e ilusionante dos SNL
    • Axenda da lingua
    • Envianos
    • Canles de novas da CTNL
    • Facebook da CTNL
    • Kit para a normalización da lingua
    • Queremos Galego
    • Eu.gal: Por un dominio galego