CTNL

Actualmente non ten instalado ou necesita actualizar o plugin Flash Player necesario para visualizar correctamente esta web
pode descargalo na siguiente dirección.
Obtener Flash

A CTNL formámola... A CTNL formámola...
Recursos na rede Recursos na rede

CTNL


1348 votos
Votar | | | |


10-11-2007

O Pazo de Mariñán acollerá o 28 de novembro o I Encontro de política lingüística desde as administracións locais da Coruña

O pasado venres presentouse na sede da Deputación da Coruña o primeiro encontro que porá en contacto os/as distintos/as responsábeis políticos/as e técnicos/as das administracións locais da Coruña para compartir experiencias e analizar posibilidades de acción e coordinación en materia de normalización lingüística, o I Encontro de política lingüística desde as administracións locais da Coruña, que terá lugar o 28 de novembro no Pazo de Mariñán.

O deputado nacionalista responsábel da área de Benestar Social, Políticas de Igualdade de Xénero e Normalización Lingüística da institución provincial coruñesa, Xoán Sande, sinalou que co encontro procúrase poñer en marcha estratexias de acción e coordinación para a promoción social do uso do galego nas administracións locais e deseñar conxuntamente liñas de cooperación e coordinación entre os concellos neste eido.

Sande destacou que as administracións públicas "teñen a obriga e a responsabilidade de promover políticas activas de normalización lingüística, que impliquen no proceso ás distintas entidades, sectores e colectivos sociais", e afirmou que "para que estas políticas públicas sexan máis eficaces, deben desenvolverse de xeito planificado e coordinado", e neste sentido a celebración de iniciativas como este Encontro poden ser de grande utilidade.

O deputado provincial manifestou o seu desexo de que o encontro teña continuidade e sirva como "toma de contacto" e "posta en común" de ideas, proxectos e iniciativas para levar a cabo desde os concellos para propiciar a coordinación e creación de rede entre os concellos galegos para a normalización lingüística, polo que convidou á participación aos/ás técnicos/as e, especialmente, aos alcaldes, alcaldesas e responsábeis políticos destas áreas nos concellos.

Pola súa banda, o presidente da CTNL, Nel Vidal, entidade colaboradora e xestora do encontro, sinalou que é imprescindíbel a coordinación dos servizos e das accións normalizadoras, a posta en común e a creación de rede, mais non só técnica, senón tamén política e institucional. Tamén salientou o compromiso da Deputación da Coruña co fomento dos servizos de normalización lingüística locais, que este ano propiciou que na provincia da Coruña haxa 43 concellos que asinaron un convenio para a creación e/ou mantemento dun SNL.

O encontro comezará cun debate sobre a responsabilidade das administracións locais en política lingüística, no que participarán os alcaldes de Carballo (Evencio Ferrero, BNG), Fene (Iván Puentes, PSdG-PSOE) e Outes (Carlos López Crespo, PP). Haberá dous obradoiros, un sobre a creación, mantemento, funcións e liñas de financiamento de SNL e outro sobre a elaboración e aprobación de ordenanzas de normalización lingüística. Presentarase unha experiencia de acción conxunta entre varios concellos, a campaña de dinamización lingüística na hostalaría de Ames, Rois e Brión. A Secretaría Xeral de Política Lingüística presentará un novo modelo de coordinación: o Consorcio de Planificación Lingüística e, para pechar o encontro, haberá unha actuación do contador de historias Quico Cadaval.

Ao encontro serán convidados todos os alcaldes e alcaldesas da Coruña, os/as responsábeis políticos/as de normalización dos concellos, os/as responsábeis técnicos/as e membros doutras entidades implicadas.

A presentación, obxectivos e temas pódense consultar en .pdf aquí e o programa completo aquí.

A NOVA NOS MEDIOS

-A Deputación da Coruña aposta polo desenvolvemento dos Servizos de Normalización Lingüística nos concellos da provincia [Web da Deputación da Coruña]

-I Encontro de Política Lingüística desde as administracións locais de Galicia [Xornal de Galicia]

-A Deputación aposta por potenciar os servizos de Normalización Lingüística [Xornal]

-A Deputación da Coruña pide que a política lingüística non se faga deslavazadamente desde cada concello [La Opinión A Coruña]

-Mariñán acolle un congreso sobre a promoción do galego [La Voz de Galicia. Coruña]

-O encontro de política lingüística deseñará estratexias conxuntas [El Ideal Gallego]

-A Deputación promove un encontro de política lingüística para os concellos [La Voz de Galicia. Carballo]

-A Deputación da Coruña aposta por implantar servizos de Normalización Lingüística en todos os concellos [Galicia Diario]

-A Deputación aposta polo desenvolvemento dos servizos de Normalización Lingüística nos concellos [Galicia Hoxe]

Utiliza a nova

Enviar por Email  Enviar nova
Redes sociais  Chuza! Meneame del.icio.us digg Fresqui

Comentarios


Hemeroteca:  2007 2008 2009 2010 2011 2012 2013 2014 2015 2016 2017 2018

Avisos

    mes anterior
    Agosto de 2018
    mes seguinte
    Calendario da axenda de Artezanía de Galicia
    L M M X V S D
        1 2 3 4 5
    6 7 8 9 10 11 12
    13 14 15 16 17 18 19
    20 21 22 23 24 25 26
    27 28 29 30 31   
    Próximos eventos

    • Agasallo. Propostas de regalos en galego
    • Asociate á CTNL
    • Gústame... o galego
    • Viveiro de propostas normalizadoras
    • Proposta para a mellora da planificación e xestión dos Celga
    • Traballarmos en dinamización lingüística | Isa Vaquero
    • En defensa do traballo xusto e ilusionante dos SNL
    • Axenda da lingua
    • Envianos
    • Canles de novas da CTNL
    • Facebook da CTNL
    • Kit para a normalización da lingua
    • Queremos Galego
    • Eu.gal: Por un dominio galego