15-09-2010PROXECTA. Mostra de servizos e produtos para a normalización lingüísta
23 e 24 de setembro. Facultade de CC. da Comunicación. Santiago de Compostela
Todas as persoas interesadas poden coñecer de primeira man o traballo, as propostas, os servizos e/ou os produtos de entidades que traballan pola lingua en Galiza. O xoves 23 e o venres 24 de setembro, con entrada libre, na Facultade de Ciencias de Comunicación de Santiago de Compostela terá lugar PROXECTA
QUE VOU ATOPAR ALÍ?Diferentes stands con información de primeira man de asociacións e plataformas para a normalización lingüística, servizos que ofrecen e produtos que crean e distribúen diversas empresas galegas vinculadas ao proceso de promoción da lingua galega, información de entidades implicadas na promoción lingüística, información, materiais e campañas de distintos servizos de normalización lingüística, etc.
QUE ENTIDADES ESTARÁN?- A Mesa pola Normalización Lingüística
- Algueirada. Acción cultural na rede
- Asociación de Medios Escritos en Galego
- Consello da Cultura Galega
- Coordinadora de Equipos de Dinamización e Normalización Lingüística
- Coordinadora de Traballadores/as de Normalización da Lingua (CTNL)
- Diversos servizos de normalización lingüística (SNL) de diferentes entidades
- Eu falo.tv
- Foro Enrique Peinador
- GalegoLab
- Libraría Pedreira (selección de libros sobre política lingüística)
- Punto.Gal
- Queremos Galego
- Reverso / 2.0 Editora
- Secretaría Xeral de Política Lingüística
- Tagen Ata. Lingua e Comunicación
- Toupa.net. Cultura para levar
E EU, PODO IR A PROXECTA?Si, claro! A mostra está dirixida a todas as persoas interesadas. A entrada é libre e de balde, e os postos estarán abertos tanto polas mañás como polas tardes
E, PARA QUE É?PROXECTA quere ser unha mostra aberta ao público das entidades que producen, xestionan, promocionan e/ou ofrecen servizos e/ou produtos relacionados coa normalización da lingua galega e que llelos queren achegar a todas as persoas e entidades vinculadas a este ámbito.
PROXECTA pretende darlles visibilidade ás distintas entidades que traballan en e para a normalización lingüística, en diferentes ámbitos e con diferentes ofertas, nun espazo onde as empresas e asociacións poden achegar, presentar, amosar, promocionar e difundir as súas propostas.
A mostra PROXECTA enmárcase nos
XII Encontros para a normalización lingüística, punto de encontro, análise e debate e cita de referencia anual para as persoas que traballan no ámbito da promoción do uso e prestixio da lingua galega.
ORGANIZAConsello da Cultura Galega. Centro de Documentación Sociolingüística de Galicia
COLABORACoordinadora de Traballadores e Traballadoras de Normalización da Lingua (CTNL)
PATROCINASecretaría Xeral de Política Lingüística da Xunta
Folleto de PROXECTA en .pdf >