Lingua

15-07-2011

Lonxa de Letras. A literatura en galego tamén nos quioscos

A Lonxa de Letras física conta cunha versión dixital, www.lonxadeletras.es onde se realizará a venda de libros físicos e dixitais e outros produtos culturais como CDs.

Ambos os dous proxectos irmáns pretenden facilitar o acceso ás creacións culturais galegas, aproveitando a localización privilexiada dos estabelecementos e a amplitude horaria para atención ao público; ademais coa vantaxe engadida da posibilidade de comprar produción literaria en galego, alén das fronteiras administrativas galegas, grazas ao servizo de distribución que se ofrece coa compra a través de lonxadeletras.es, que cobre todo o territorio do estado español e mesmo o portugués.