CTNL

Actualmente non ten instalado ou necesita actualizar o plugin Flash Player necesario para visualizar correctamente esta web
pode descargalo na siguiente dirección.
Obtener Flash

A CTNL formámola... A CTNL formámola...
Recursos na rede Recursos na rede

CTNL


1409 votos
Votar | | | |


27-10-2011

A CTNL non avala a Rede de Dinamización Lingüística e non acudirá ao acto de constitución

A CTNL non avala a Rede de Dinamización Lingüística e non acudirá ao acto de constitución
A CTNL non acudirá, en sinal de protesta, ao acto de constitución da Rede de Dinamización Lingüística da Xunta, pois a SXPL despreza os SNL e, ademais, suspendeu en 2011 as axudas que se viñan outorgando desde hai 20 anos. Desde a CTNL remitíuselle unha carta á Xunta rexeitando o convite a participar no acto e indicando que “non ten sentido crear unha rede de traballo sen traballadores/as”


A Coordinadora de Traballadores/as de Normalización da Lingua (CTNL), a entidade que agrupa os/as técnicos/as de normalización lingüística, non acudirá ao acto de constitución da Rede de Dinamización Lingüística da Xunta, que terá lugar o venres 28 de outubro. Así llo fixo saber o seu presidente, Nel Vidal, ao conselleiro de Educación, Xesús Vázquez, mediante unha carta na que se argumentan os motivos polo que non asistirán.

Segundo a CTNL, representantes desta entidade participaron, xunto con técnicos/as da propia Secretaría Xeral de Política Lingüística (SXPL), nun grupo de traballo que acordou “por unanimidade” as liñas básicas para a constitución desa Rede, mais a SXPL decidiu unilateralmente non respectalas, polo que “esa Rede non conta co aval dos técnicos nin das técnicas de normalización lingüística”.

A REDE DESPREZA O TRABALLO DOS SNL
Ademais, sinalan desde a CTNL, “a Rede despreza os servizos de normalización lingüística (SNL)”, pois “non é necesario que os concellos conten con SNL para formar parte dela” e incluso “hai concellos que, aínda tendo SNL, nomean representantes técnicos/as neste órgano a traballadores/as do concello distintos do/a técnico/a de normalización lingüística, como un auxiliar administrativo ou un técnico de Deportes, como nos consta que ocorre nalgúns casos, desprezando así o traballo dos SNL”. Deste xeito, desde a CTNL pregúntanse “quen vai planificar, xestionar e executar o traballo de dinamización da Rede?”.

SUSPENSIÓN DAS AXUDAS PARA A PROMOCIÓN DA LINGUA NOS CONCELLOS
Os traballadores e as traballadoras de normalización sinalan tamén que “non ten ningún tipo de sentido, e é totalmente incoherente, que con esta Rede se pretenda, supostamente, apoiar e colaborar coas entidades locais na promoción da lingua, ao mesmo tempo que lles retira a estas as xa moi escasas e precarias axudas que se viñeron convocando desde hai 20 anos”, en referencia á suspensión en 2011 das axudas para o fomento do galego na administración local.

INFORME DA CTNL
Ademais, nun informe que xa data de novembro de 2010, a CTNL acusa á SXPL de “exercer un excesivo control sobre os órganos da Rede, que lle permite tomar as decisión que queira en nome de todos os membros”. Este informe foille remitido á SXPL xa en 2010 e pódese consultar aquí


Ligazóns relacionadas


Carta resposta CTNL convite Xunta acto Rede

Utiliza a nova

Enviar por Email  Enviar nova
Redes sociais  Chuza! Meneame del.icio.us digg Fresqui

Comentarios


Hemeroteca:  2007 2008 2009 2010 2011 2012 2013 2014 2015 2016 2017 2018

Avisos

    mes anterior
    Outubro de 2018
    mes seguinte
    Calendario da axenda de Artezanía de Galicia
    L M M X V S D
    1 2 3 4 5 6 7
    8 9 10 11 12 13 14
    15 16 17 18 19 20 21
    22 23 24 25 26 27 28
    29 30 31     
    Próximos eventos

    • Agasallo. Propostas de regalos en galego
    • Asociate á CTNL
    • Gústame... o galego
    • Viveiro de propostas normalizadoras
    • Proposta para a mellora da planificación e xestión dos Celga
    • Traballarmos en dinamización lingüística | Isa Vaquero
    • En defensa do traballo xusto e ilusionante dos SNL
    • Axenda da lingua
    • Envianos
    • Canles de novas da CTNL
    • Facebook da CTNL
    • Kit para a normalización da lingua
    • Queremos Galego
    • Eu.gal: Por un dominio galego