CTNL

Actualmente non ten instalado ou necesita actualizar o plugin Flash Player necesario para visualizar correctamente esta web
pode descargalo na siguiente dirección.
Obtener Flash

A CTNL formámola... A CTNL formámola...
Recursos na rede Recursos na rede

CTNL


11331 votos
Xa votaches!


27-06-2012

Máis de 150 persoas analizan en Compostela o sistema de acreditación oficial de lingua galega

Máis de 150 persoas analizan en Compostela o sistema de acreditación oficial de lingua galega
A CTNL organiza a Xornada de análise e avaliación do sistema Celga, que ten lugar o xoves 28 de xuño na Facultade de Comunicación de Santiago de Compostela, e na que participarán máis de 150 persoas, co obxectivo de facer unha proposta de mellora do sistema de formación e acreditación en lingua galega para persoas adultas


A Facultade de Ciencias da Comunicación de Santiago de Compostela acolle a Xornada de análise e avaliación do sistema dos Celga, un encontro organizado pola Coordinadora de Traballadores/as de Normalización da Lingua (CTNL) co obxectivo de analizar o sistema de formación e de acreditación da lingua galega (Celga) para persoas adultas e de facer unha proposta de mellora, que lle será remitida á Xunta de Galicia.

Deste xeito, na xornada analizarase e avaliarase a implantación dos Celga dentro do proceso de normalización lingüística, a capacitación real da cidadanía e do persoal da administración e os requisitos en procesos selectivos, listaxes de contratación, etc. Tamén se analizarán as validacións e o modelo de acreditación, e os cursos de formación de galego para persoas adultas, a súa organización e xestión, as metodoloxías e contidos, as condicións do profesorado, etc. Durante o día intervirán, ademais de representantes da CTNL, técnicos/as de normalización lingüística, profesorado dos cursos Celga, avaliadores/as e outros/as expertos/as.

Desde a CTNL elaborouse unha proposta base de mellora do sistema Celga, para que sexa debatida e arrequecida no encontro, e que, posteriormente, cando sexa definitiva, será feita pública e presentada á Secretaría Xeral de Política Lingüística, para que esta a teña en conta e se fagan as melloras necesarias na formación e acreditación de galego.

Adaptación ao noso contexto e ao proceso de normalización lingüística

Desde a CTNL considérase que o sistema de acreditación da lingua galega debe ter en conta o proceso de normalización lingüística no que está o galego e, polo tanto, debe servir para avanzar nese proceso. Deste xeito, entre outras cousas, o sistema débese adaptar ás condicións sociolingüísticas de Galicia e os cursos deben servir tamén para trasladar uns valores positivos cara á lingua galega e mellorar os usos.

Así, para mellorar o sistema, entre outras cousas, a CTNL propón unha planificación anual dos cursos de galego, de forma que se cubra todo o territorio; a fixación de grupos formativos reducidos; a elaboración de materiais dirixidos a galegofalantes; unha maior atención ás actitudes e usos lingüísticos, e non só ás competencias; máis horas de formación; a creación dun corpo docente estable para a formación lingüística; unha formación específica completa e de calidade para o profesorado; ou un mínimo de dúas convocatorias anuais de probas para a obtencións dos certificados.

A Xornada de análise e avaliación dos Celga ten lugar o xoves 28 de xuño no Auditorio da Facultade de Ciencias da Comunicación, en Santiago de Compostela, entre as 10.00 h e as 20.00 h.

A información e o programa completo pode consultarse aquí >

Utiliza a nova

Enviar por Email  Enviar nova
Redes sociais  Chuza! Meneame del.icio.us digg Fresqui

Comentarios


Hemeroteca:  2007 2008 2009 2010 2011 2012 2013 2014 2015 2016 2017 2018 2019 2020 2021 2022 2023 2024

Avisos

    mes anterior
    Febreiro de 2022
    mes seguinte
    Calendario da axenda de Artezanía de Galicia
    L M M X V S D
      1 2 3 4 5 6
    7 8 9 10 11 12 13
    14 15 16 17 18 19 20
    21 22 23 24 25 26 27
    28       
    Próximos eventos

    • Asociate á CTNL
    • Agasallo. Propostas de regalos en galego
    • LGx15
    • Premios Mil Primaveras
    • Viveiro de propostas normalizadoras
    • En defensa do traballo xusto e ilusionante dos SNL
    • Envianos
    • Canles de novas da CTNL
    • Facebook da CTNL
    • Twitter da CTNL
    • Instagram da CTNL
    • Kit para a normalización en rede
    • Proxector
    • Queremos Galego
    • Eu.gal: Por un dominio galego