CTNL

Actualmente non ten instalado ou necesita actualizar o plugin Flash Player necesario para visualizar correctamente esta web
pode descargalo na siguiente dirección.
Obtener Flash

A CTNL formámola... A CTNL formámola...
Recursos na rede Recursos na rede

Formación


7873 votos
Xa votaches!


17-07-2012

A normalización lingüística como cuestión de xustiza social a análise en Carballo

A normalización lingüística como cuestión de xustiza social a análise en Carballo
Durante os días 18, 19 e 20 de xullo o Forum Carballo acolle o VIII Curso de verán da Universidade da Coruña sobre dinamización lingüística "Traballando en lingua", que este ano se centra na Xustiza social e a normalización do idioma galego


A inauguración do curso terá lugar o mércores ás 10.30 h da mañá no auditorio do Forum, estará presidida polo alcalde de Carballo, Evencio Ferrero, e nela participarán, ademais, o reitor da Universidade da Coruña, Xosé Luís Armesto; o secretario xeral de Política Lingüística da Xunta de Galicia, Valentín García Gómez; o presidente da Coordinadora de Traballadores/as de Normalización da Lingua (CTNL), Nel Vidal Barral; e a directora do Servizo de Normalización Lingüística da Universidade da Coruña, Goretti Sanmartín.

O obxectivo principal deste curso é fortalecer a idea de normalización lingüística como algo xusto socialmente, de xeito que se procurará amosar a oportunidade e necesidade de conectar e crear vínculos entre diferentes espazos e colectivos que procuran unha maior xustiza social, como os vencellados co ecoloxismo, o feminismo, a cooperación, a defensa das persoas desfavorecidas, etc.

Este curso de verán está organizado pola Universidade da Coruña, e conta coa colaboración da CTNL, do Concello de Carballo e mais da Xunta de Galicia.

Análises, grupos de traballo, mesas redondas e actividades lúdicas
O curso comezará o mércores 18 de xullo cunha análise sobre sustentabilidade lingüística desde a perspectiva da xustiza social, que fará o profesor da Universidade de Barcelona Père Comellas. A continuación, o maxistrado da Audiencia Provincial de Lugo e voceiro do colectivo Xuíces para a Democracia, Luís Villares, falará sobre legalidade e lexitimidade e sobre a xustiza social e a xustiza xurídica, vinculando así a normalización da lingua galega coa lexitimidade e a xustiza. Xa pola tarde, activistas sociais de diferentes ámbitos, como o ecoloxismo, a emigración, o sindicalismo, o feminismo, etc., participarán nunha mesa redonda co título “Pódese ser feminista e non defender o galego? Pódese defender o galego e non ser ecoloxista? Sobre coherencia e ligazón de causas”. O día finalizará co desenvolvemento de diversos grupos de traballo.

O xoves 19 de xullo a activista no ámbito das liberdades sexuais Lucía Vázquez falará sobre liberdades sexuais, xustiza e defensa da diversidade lingüística, e a continuación, o profesor e activista Séchu Sende falará sobre a súa experiencia nos movementos sociais en relación coa lingua, o activismo e a intervención. Xa pola tarde, haberá unha mesa redonda sobre lingua e conexión de causas xustas no asociacionismo local, na que participarán representantes de diversos colectivos de Carballo, como son Senda Nova (ecoloxista), Adiante (cooperación), Proxectando (xuvenil) e Ceibo (asociación de uruguaios/as). Despois dunha nova sesión de grupos de traballo, o día rematará cun concerto do cantautor Xoán Curiel, que terá lugar ás 22.30 h na Cervexaría Dublín, con entrada libre e gratuíta para quen queira asistir.

E o último día do curso, o venres 20 de xullo, haberá unha nova mesa redonda, neste caso sobre asociacionismo e reivindicación da lingua como causa xusta, na que participarán a presidenta da Nova Escola Galega, Mariló Candedo, e o presidente da Asociación Socio-Pedagóxica Galega, Xoán Costa. Despois dunha sesión de conclusións e ideas finais, o curso rematará cunha conferencia de clausura por parte de Astrid Agenjo, economista e investigadora da Universidade de Sevilla, experta en economía, desenvolvemento, cidadanía e intervención social, que falará sobre a marea multicolor e a ligazón das loitas antisistema para transformar o mundo.

DATAS
18, 19 e 20 de xullo de 2012

LUGAR
Fórum Carballo [Indicacións en Google Maps]
Rúa do Xílgaro s/n. A Milagrosa
Carballo

Utiliza a nova

Enviar por Email  Enviar nova
Redes sociais  Chuza! Meneame del.icio.us digg Fresqui

Comentarios


Hemeroteca:  2007 2008 2009 2010 2011 2012 2013 2014 2015 2016 2017 2018 2019 2020 2021 2022 2023 2024

Avisos

    mes anterior
    Marzo de 2024
    mes seguinte
    Calendario da axenda de Artezanía de Galicia
    L M M X V S D
            1 2 3
    4 5 6 7 8 9 10
    11 12 13 14 15 16 17
    18 19 20 21 22 23 24
    25 26 27 28 29 30 31
    Próximos eventos

    • Asociate á CTNL
    • Agasallo. Propostas de regalos en galego
    • LGx15
    • Premios Mil Primaveras
    • Viveiro de propostas normalizadoras
    • En defensa do traballo xusto e ilusionante dos SNL
    • Envianos
    • Canles de novas da CTNL
    • Facebook da CTNL
    • Twitter da CTNL
    • Instagram da CTNL
    • Kit para a normalización en rede
    • Proxector
    • Queremos Galego
    • Eu.gal: Por un dominio galego