CTNL

Actualmente non ten instalado ou necesita actualizar o plugin Flash Player necesario para visualizar correctamente esta web
pode descargalo na siguiente dirección.
Obtener Flash

A CTNL formámola... A CTNL formámola...
Recursos na rede Recursos na rede

Formación


8754 votos
Xa votaches!


01-04-2013

Obradoiro de notas de prensa para a difusión de accións de normalización lingüística

Obradoiro de notas de prensa para a difusión de accións de normalización lingüística
Este obradoiro que organiza a CTNL terá lugar durante abril e maio de 2013, cunha sesión presencial o 25 de abril en Santiago de Compostela. O obxectivo é aprender a elaborar e xestionar notas de prensa dun xeito máis eficiente, para que así as accións de normalización poidan ter maior repercusión nos medios. O prazo de inscrición comeza o 3 e remata o 10 de abril


Con bastantes frecuencia, as traballadoras e os traballadores de servizos de normalización lingüística, asociacións e entidades varias relacionadas coa lingua teñen que redactar e enviar notas de prensa para difundir accións, convocar os medios, dar a coñecer iniciativas, etc. O ideal podería ser que este traballo fose feito desde un gabinete de comunicación por profesionais, mais a realidade está na maioría das ocasións moi lonxe diso, e cada SNL dun concello ou outra entidade, cada equipo de normalización dun centro de ensino, cada asociación, etc., ten que encargarse da súa comunicación directamente e cos medios que ten.

Con este obradoiro que organiza a CTNL preténdese que as traballadores e os traballadores de normalización lingüística aprendan, dun modo práctico, a elaborar notas de prensa que comuniquen axeitadamente e de maneira eficiente a mensaxe e información que se quere transmitir, sabendo crear titulares e acertando na mensaxe, e tamén que coñezan como, cando, a onde e a quen se deben enviar as notas de prensa sobre lingua na procura de que teñan a repercusión axeitada no ámbito de interese ao que se dirixen. Deste xeito, poderíase conseguir unha maior e mellor repercusión social a través dos medios do traballo en lingua e das accións a prol do galego.

O prazo de inscrición comeza o 3 de abril e a sesión presencial terá lugar o 25 de abril
O prazo de solicitude para participar comeza o día 3 ás 10.00 h e remata o 10 de abril. O inicio do contacto da profesora co alumnado para iniciar o obradoiro comezará o 18 de abril, o 25 haberá unha sesión presencial pola tarde en Santiago de Compostela e a realización e seguimento do traballos alongarase ata o 22 de maio.

Obradoiro práctico con traballo titorizado a distancia
A dinámica e metodoloxía deste obradoiro preténdese que sexa totalmente práctica e adaptada ao traballo e necesidades reais das persoas participantes, iniciando o traballo a través do contacto coa profesora vía correo electrónico, traballando nas catro horas presenciais os contidos que se deben coñecer, e aplicando eses coñecementos en casos reais despois desa sesión presencial e con traballos titorizados e avaliados pola profesora, a través do contacto mediante correo-e. Polo tanto, aínda que non é un curso en liña, a maior parte do traballo farase a distancia, con titorización por parte da profesora.

Profesora experta en comunicación
A profesora do curso será Rocío Castro Tarrío, xornalista e comunicadora. Foi directora de Vieiros e xefa do gabinete de comunicación da Consellaría de Cultura. Agora dedícase á comunicación corporativa como free-lance, especializada na comunicación cultural e no marketing dixital

Información completa e inscrición (do 3/4/13 ao 10/4/13) >

Utiliza a nova

Enviar por Email  Enviar nova
Redes sociais  Chuza! Meneame del.icio.us digg Fresqui

Comentarios


Hemeroteca:  2007 2008 2009 2010 2011 2012 2013 2014 2015 2016 2017 2018 2019 2020 2021 2022 2023 2024

Avisos

    mes anterior
    Marzo de 2024
    mes seguinte
    Calendario da axenda de Artezanía de Galicia
    L M M X V S D
            1 2 3
    4 5 6 7 8 9 10
    11 12 13 14 15 16 17
    18 19 20 21 22 23 24
    25 26 27 28 29 30 31
    Próximos eventos

    • Asociate á CTNL
    • Agasallo. Propostas de regalos en galego
    • LGx15
    • Premios Mil Primaveras
    • Viveiro de propostas normalizadoras
    • En defensa do traballo xusto e ilusionante dos SNL
    • Envianos
    • Canles de novas da CTNL
    • Facebook da CTNL
    • Twitter da CTNL
    • Instagram da CTNL
    • Kit para a normalización en rede
    • Proxector
    • Queremos Galego
    • Eu.gal: Por un dominio galego