Convocatorias

09-05-2013

Se tes unha idea para fomentar o galego, podes ter premio!

O X Premio Luísa Villalta a Iniciativas Normalizadoras está convocado polos servizos de normalización lingüística (SNL) das tres universidade galegas e nel pode participar calquera membro da universidade, ben a título individual, ben en equipo, como comisións de normalización, organizacións estudantís, etc.

MODALIDADES
O premio conta con dúas modalidades, cada unha cun premio diferente

-CAMPAÑA NORMALIZADORA: deseño dunha campaña que teña como obxectivo fomentar o uso do galego no ámbito universitario. A proposta deberá conter un punto de partida, os obxectivos que se perseguen, a metodoloxía que se vai empregar, as actividades que se pretenden desenvolver, a planificación temporal, as persoas implicadas e as que implica, a estimación orzamentaria, etc.
O premio: 1.500 euros

-IDEA PARA A PROMOCIÓN DO GALEGO: idea que explique razoadamente unha proposta que teña por obxectivo fomentar o uso do galego no ámbito universitario.
O premio: 1.000 euros

PARTICIPANTES
O concurso está dirixido a todos os membros da comunidade universitaria galega (Universidade da Coruña, Universidade de Santiago de Compostela e Universidade de Vigo), así como aos seus respectivos centros adscritos.
Poderanse presentar todas aquelas persoas que o desexaren de xeito individual ou en grupos. Coa constitución de equipos preténdese favorecer a participación dos colectivos que teñen entre os seus obxectivos pular pola normalización do galego, como as comisións de normalización lingüística, as asociacións estudantís, etc.

PRAZO
Para a presentación de proxectos hai de prazo até o 8 de novembro de 2013 (ás 14.00 h).

Bases e información completa aquí >