CTNL

30-03-2016

Que ben traballamos en grupo! Grazas ás túas achegas os proxectos melloran. Anímaste a participar?

Xa sabes que os proxectos melloran cando se planifican e desenvolven colaborativamente, coa participación, opinión e implicación de persoas varias.
E aquí proxectos non faltan...

Entón, podemos contar contigo?

Para iso, para mellorarmos ou desenvolvermos algúns dos proxectos previstos para os vindeiros meses, imos crear unha serie de grupos de traballo e convidámoste a participar neles:

• LGx15: neste ano retomaremos esta actividade e gustaríanos que participases planificando, propondo contidos e nomes, ideas de organización e desenvolvemento, etc.


• Como cho digo ;-): podes colaborar neste proxecto propondo ideas, melloras, etc., e axudando a planificar unha maior difusión e implicación de persoas, entidades e medios.


• XII Curso de verán de dinamización lingüística. Sector socioeconómico: podes achegar opinións sobre dinámicas, contidos e nomes para o programa.


• Encontro técnico de SNL e ENDL: colabora na planificación e no desenvolvemento dunha xornada de intercambio de ideas e propostas de colaboración conxunta.

Cada un destes grupos será coordinado por unha persoa, e nel poden participar todas as que se anoten. Cada grupo poderá ter un funcionamento distinto, a súa propia dinámica, mais, en xeral, aínda que haxa algunha xuntanza física, a idea é que boa parte do traballo se faga a través do correo electrónico, intercambiando ideas, propostas, tarefas, etc. E o tempo que lle dediques será o que ti queiras ou poidas dedicarlle...

Anímaste a participar?

Pois daquela envía unha mensaxe a info@ctnl.gal ata o 15 de abril indicando en que grupo(s) queres participar, o teu nome, enderezo electrónico e teléfono.

Veña, entre todas e todos faremos que estes proxectos saian ben! ;-)