CTNL

Actualmente non ten instalado ou necesita actualizar o plugin Flash Player necesario para visualizar correctamente esta web
pode descargalo na siguiente dirección.
Obtener Flash

A CTNL formámola... A CTNL formámola...
Recursos na rede Recursos na rede

Formación


10064 votos
Xa votaches!


03-06-2017

XIII Curso de verán de dinamización lingüística: traballando en lingua na música

Fórum Carballo
O Curso de verán sobre dinamización lingüística #traballandoenlingua da UdC centrará este ano o seu programa na música. Terá lugar os días 19 e 20 de xullo no Fórum Carballo. Prazo de inscrición ampliado até o 16 de xullo.



O Curso de verán sobre dinamización lingüística #traballandoenlingua chega neste 2017 á súa décimo terceira edición. É un encontro anual estabilizado onde se fan análises, debates, reflexións e propostas prácticas de cara á mellora do proceso de normalización da lingua galega, traballando o discurso, os argumentos, as accións, a creatividade, a implicación, os métodos, etc. Está organizado polo Servizo de Normalización Lingüística da Universidade da Coruña coa colaboración do Concello de Carballo, a Secretaría Xeral de Política Lingüística da Xunta de Galicia e a CTNL.

A edición deste ano centrarase nun sector singularmente representativo para o futuro do idioma: o da música. Así, o programa inclúe sesións para analizarmos a situación do galego no ámbito do tecido musical, os motivos desa situación e os factores e condicionantes que a provocan e que poden ser claves para a melloraren. Tamén se darán a coñecer e serán avaliadas experiencias positivas relativamente ao uso da lingua galega ou que procuran o emprego dela nas actuacións, nas relacións entre a xente do sector, nos produtos, na publicidade. Finalmente, proporanse medidas de intervención que procuren aprimorar a utilización e o prestixio do galego nestes ámbitos.

OBXECTIVOS

- Analizar a situación da lingua galega no sector musical, os seus motivos e os factores e condicionantes que a provocan e que poden ser claves para a melloraren.
- Dar a coñecer e avaliar experiencias positivas en tal ámbito.
- Propor medidas de forma a melloraren o uso e o prestixio da lingua galega nese campo.
- Reflectir en como pode a música en galego contribuír para o proceso de Normalización lingüística.

LUGAR E DATAS

O curso terá lugar no Fórum Carballo, rúa do Xílgaro, s/n, A Milagrosa, Carballo (localización en Google Maps) os días 19 e 20 de xullo de 2017.

MATRÍCULA

O prazo de matrícula neste curso está aberto até o 16 de xullo de 2017, e o número de prazas está limitado a 65 persoas, que se cubrirán por orde de inscrición.

Os socios e as socias da CTNL poderán beneficiarse do prezo reducido de matrícula: 30 euros.

PROGRAMA

Cuarta feira 19 de xullo

9.30-10.00: recepción e entrega de documentación

10.00-10.30: inauguración

10.30-11.30: "A creación musical en linguas minoritarias e minorizadas", relatorio de María Xosé Silvar "SES"

11.30-12.00: café conxunto

12.00-13.00: "Aproximación ao léxico dos instrumentos tradicionais galegos", relatorio de Pablo Carpintero

13.00-14.30: "A asunción do galego máis aló da música", mesa redonda con Mini, Mero e Pilocha

14.30: xantar conxunto

16.30-17.30: "Como mellorarmos a lingua a través do cancioneiro tradicional", relatorio de Xosé Manuel Sánchez Rei

17.30-18.45: "A xestión e a produción da música en galego desde o sector empresarial" mesa redonda con Arturo Baquero, Eloi Caldeiro, Patricia Hermida e Segundo Grandío

18.45-19.00: descanso

19.20.30: obradoiro de regueifa con Moncho do Orzán

Quinta feira 20 de xullo

10.00-11.00: "Aproximación a unha historia do rock en galego", relatorio de Xurxo Souto

11.00-12.00: "Lingua e música para as xeracións máis novas. A proposta do concurso Quero cantar", relatorio de Goretti Sanmartín Rei

12.00-12.30: café conxunto

12.30-14.00: "Cantar en galego e cantar en feminino: a importancia da voz da muller na música galega", mesa redonda con Rosa Cedrón, Sonia Lebedynski, Ugia Pedreira e M.J. Pérez

14.30: xantar conxunto

16.30-17.30: "A recollida de poesía e música oral en galego na actualidade", relatorio de Olga Kirk e Pablo Díaz

17.30-18.30: "Literatura, lingua e música", relatorio de César Carlos Morán Fraga

18.30-19.00: descanso

19.00-20.30: obradoiro de cantos de taberna con Ricardo Seixo

Máis información e programa completo aquí.

Utiliza a nova

Enviar por Email  Enviar nova
Redes sociais  Chuza! Meneame del.icio.us digg Fresqui

Comentarios


Hemeroteca:  2007 2008 2009 2010 2011 2012 2013 2014 2015 2016 2017 2018 2019 2020 2021 2022

Avisos

    mes anterior
    Xullo de 2022
    mes seguinte
    Calendario da axenda de Artezanía de Galicia
    L M M X V S D
            1 2 3
    4 5 6 7 8 9 10
    11 12 13 14 15 16 17
    18 19 20 21 22 23 24
    25 26 27 28 29 30 31
    Próximos eventos

    • Asociate á CTNL
    • Agasallo. Propostas de regalos en galego
    • LGx15
    • Premios Mil Primaveras
    • Viveiro de propostas normalizadoras
    • Gústame... o galego
    • En defensa do traballo xusto e ilusionante dos SNL
    • Axenda da lingua
    • Envianos
    • Canles de novas da CTNL
    • Facebook da CTNL
    • Twitter da CTNL
    • Kit para a normalización en rede
    • Queremos Galego
    • Eu.gal: Por un dominio galego