Convocatorias

16-08-2018

Contratación temporal dun/dunha técnico/a de normalización lingüística nos concellos de Castrelo de Miño e Baños de Molgas

O Concello de Castrelo de Miño anuncia no BOP de hoxe, día 16 de agosto, a convocatoria dunha praza temporal de técnico/a de normalización lingüística para o agrupamento dos concellos de Castrelo de Miño e Baños de Molgas.

XORNADA DE TRABALLO, DURACIÓN DO CONTRATO E SOLDO
O contrato de traballo será temporal con vixencia até o 14 de outubro de 2018.
A xornada laboral será a tempo completo (40 horas semanais).
O soldo é de 1356 euros mensuais, que inclúen a parte proporcional da paga extraordinaria e os gastos de quilometraxe.

A contratación está financiada pola subvención concedida pola Consellería de Cultura, Educación e Ordenación Universitaria.

REQUISITOS DE TITULACIÓN
Grao en Lingua e Literatura Galegas, licenciatura en Filoloxía Galego-Portuguesa, Filoloxía Galega ou Filoloxía Hispánica (subsección Galego-Portugués) ou outras licenciaturas ou graos sempre que se estea en posesión do certificado de lingua galega do nivel 5 (Celga 5).

SISTEMA DE SELECCIÓN
A selección efectuarase mediante concurso de méritos, onde se valorarán cursos de formación en linguaxe administrativa, experiencia laboral en postos de traballo semellantes e licenciatura en Filoloxía Galego-Portuguesa, Filoloxía Galega ou Filoloxía Hispánica (sección galego-portugués) ou grao en Lingua e Literatura Galegas.

PRAZO
Será de 5 días naturais desde o día seguinte á publicación da convocatoria no BOP de Ourense (publicada o 16 de agosto), é dicir, até o 21 de agosto.

As bases e modelos de solicitude pódense consultar en .pdf na sede electrónica do Concello de Castrelo de Miño.