CTNL

Actualmente non ten instalado ou necesita actualizar o plugin Flash Player necesario para visualizar correctamente esta web
pode descargalo na siguiente dirección.
Obtener Flash

A CTNL formámola... A CTNL formámola...
Recursos na rede Recursos na rede

Lingua


12925 votos
Xa votaches!


20-03-2019

Ordenanza para o impulso do galego no Concello de Cambados

Ordenanza NL Cambados
O Concello de Cambados acaba de aprobar a súa Ordenanza para o impulso do galego. Tras a aprobación provisional o 25 de outubro de 2018 e logo da fase de información pública, publicouse definitivamente no BOP de Pontevedra do 20 de marzo de 2019.


O Boletín Oficial da Provincia de Pontevedra do 20 de marzo de 2019 publicou a aprobación definitiva da Ordenanza para o impulso do galego no Concello de Cambados, unha proposta que foi aprobada no Pleno municipal o 25 de outubro de 2018.

Este texto do Concello de Cambados declara o galego como idioma propio e oficial do Concello, por ser lingua propia e oficial de Galicia. Por tanto, establécese o uso da lingua galega "en todas as súas accións públicas e privadas, nas súas actuacións administrativas, actividades e na documentación, na comunicación social, e nas relacións coas cidadás e cos cidadáns e con todas as entidades situadas en Galicia e con aqueloutras que admitan o galego para as actuacións administrativas".

Ao longo dos seus 15 capítulos, 22 artigos e disposición adicional, regúlase o uso do galego e a acción lingüística do concello na atención ao público; na documentación e actuación administrativa; nas publicacións, accións informativas, formativas e actividades; na compra de bens e materiais, contratacións de servizos; na sinalización e rotulación; nas relacións con outras administracións; nas relacións con empresas privadas; polo persoal ao servizo da administración, e na toponimia, rueiro, emprazamentos ou edificacións. Tamén se establece a responsabilidade do concello no impulso institucional do idioma, a necesidade de coidar a calidade lingüística e o uso dunha linguaxe democrática e inclusiva, os mecanismos de cumprimento e seguimento da ordenanza, e a posibilidade de crear un órgano participativo.

O SERVIZO DE NORMALIZACIÓN LINGÜÍSTICA (SNL)

Os obxectivos e as funcións do Servizo de Normalización Lingüística (SNL) municipal tamén quedan establecidas nesta ordenanza (art. 20), e indícase que se creará proximamente un SNL "estable dotado con medios materiais e humanos suficientes co obxecto de impulsar a normalización da lingua e procurar o incremento do uso social e o meirande prestixio do idioma galego a todos os niveis e ámbitos da sociedade cambadesa, e de coordinar as accións necesarias para coadxuvar cos diferentes departamentos municipais a darlle cumprimento a esta ordenanza". Así mesmo, enumera as súas tarefas nas áreas de dinamización sociolingüística, formación sociolingüística, asesoramento lingüístico e funcións xerais.

Ordenanza para o impulso do galega no Concello de Cambados, en .pdf

Utiliza a nova

Enviar por Email  Enviar nova
Redes sociais  Chuza! Meneame del.icio.us digg Fresqui

Comentarios


Hemeroteca:  2007 2008 2009 2010 2011 2012 2013 2014 2015 2016 2017 2018 2019 2020 2021 2022 2023 2024

Avisos

    mes anterior
    Outubro de 2020
    mes seguinte
    Calendario da axenda de Artezanía de Galicia
    L M M X V S D
          1 2 3 4
    5 6 7 8 9 10 11
    12 13 14 15 16 17 18
    19 20 21 22 23 24 25
    26 27 28 29 30 31  
    Próximos eventos

    • Asociate á CTNL
    • Agasallo. Propostas de regalos en galego
    • LGx15
    • Premios Mil Primaveras
    • Viveiro de propostas normalizadoras
    • En defensa do traballo xusto e ilusionante dos SNL
    • Envianos
    • Canles de novas da CTNL
    • Facebook da CTNL
    • Twitter da CTNL
    • Instagram da CTNL
    • Kit para a normalización en rede
    • Proxector
    • Queremos Galego
    • Eu.gal: Por un dominio galego