CTNL

Actualmente non ten instalado ou necesita actualizar o plugin Flash Player necesario para visualizar correctamente esta web
pode descargalo na siguiente dirección.
Obtener Flash

A CTNL formámola... A CTNL formámola...
Recursos na rede Recursos na rede

Lingua


12721 votos
Xa votaches!


02-03-2020

Ordenanza de normalización lingüística do Concello de Nigrán

Ordenanza de NL do Concello de Nigrán
O Concello de Nigrán aprobou a súa Ordenanza de normalización lingüística. Tras a aprobación provisional o 25 de novembro de 2019 e logo da fase de información pública, publicouse definitivamente no BOP de Pontevedra do 2 de marzo de 2020.


O Boletín Oficial da Provincia de Pontevedra do 2 de marzo de 2020 publicou a aprobación definitiva da Ordenanza de normalización lingüística do Concello de Nigrán, un texto aprobado no Pleno municipal o 25 de novembro de 2019.

Este breve texto do Concello de Nigrán conta con catro artigos onde se trata o obxecto de aprobación desta norma ("potenciar o uso do idioma galego na actividade municipal e adoptar medidas encamiñadas a que ninguén sexa discriminado por razón da lingua que empregue nas súas relacións, tanto orais coma escritas, co Concello de Nigrán ou coas empresas adxudicatarias de contratos municipais"), os usos lingüísticos internos (nas actuacións internas, nas convocatorias, orde do día, actas etc. e nos rótulos), no acceso ao emprego público (que incluirá o coñecemento da lingua de acordo coa normativa) e nos usos lingüísticos externos (nos expedientes, nos rexistros administrativos, nas comunicacións orais, nas actividades dirixidas á veciñanza e na toponimia e no nome das rúas).

SEN DEPARTAMENTO TÉCNICO DE NORMALIZACIÓN LINGÜÍSTICA

No texto da ordenanza non se fai referencia a ningún departamento técnico que asesore a institución para "fomentar a normalización do uso do galego nas actividades dirixidas á veciñanza" (artigo 4, parágrafo sétimo). Os servizos de normalización lingüística son os departamentos técnicos dos concellos que teñen como finalidade impulsar o uso e o prestixio da nosa lingua en todos os seus ámbitos de influencia e, así, cumprir coa súa obriga legal e responsabilidade social de contribuír ao proceso de normalización lingüística.

Esperamos que a ausencia de referencia a un SNL sexa unha eiva que se poida corrixir e non impida ao Concello de Nigrán contar co departamento técnico necesario para planificar, xestionar, executar e avaliar a política lingüística municipal.

Ordenanza de normalización lingüística do Concello de Nigrán, en .pdf

Utiliza a nova

Enviar por Email  Enviar nova
Redes sociais  Chuza! Meneame del.icio.us digg Fresqui

Comentarios


Hemeroteca:  2007 2008 2009 2010 2011 2012 2013 2014 2015 2016 2017 2018 2019 2020 2021 2022 2023 2024

Avisos

    mes anterior
    Marzo de 2024
    mes seguinte
    Calendario da axenda de Artezanía de Galicia
    L M M X V S D
            1 2 3
    4 5 6 7 8 9 10
    11 12 13 14 15 16 17
    18 19 20 21 22 23 24
    25 26 27 28 29 30 31
    Próximos eventos

      • Asociate á CTNL
      • Agasallo. Propostas de regalos en galego
      • LGx15
      • Premios Mil Primaveras
      • Viveiro de propostas normalizadoras
      • En defensa do traballo xusto e ilusionante dos SNL
      • Envianos
      • Canles de novas da CTNL
      • Facebook da CTNL
      • Twitter da CTNL
      • Instagram da CTNL
      • Kit para a normalización en rede
      • Proxector
      • Queremos Galego
      • Eu.gal: Por un dominio galego