CTNL

Actualmente non ten instalado ou necesita actualizar o plugin Flash Player necesario para visualizar correctamente esta web
pode descargalo na siguiente dirección.
Obtener Flash

A CTNL formámola... A CTNL formámola...
Recursos na rede Recursos na rede

CTNL


5579 votos
Xa votaches!


13-12-2020

Agasallo.eu, unha porta para regalarmos en galego

Agasallo.eu
Agasallo.eu é un web creado pola CTNL onde se recollen propostas para regalar en galego. Libros, música, audiovisual, xogos, produtos téxtiles e de alimentación son algunhas das categorías onde procurarmos ideas para escoller os nosos agasallos.


A plataforma Agasallo.eu creouna en 2013 a Coordinadora de Traballadores/as de Normalización da Lingua (CTNL) co obxectivo de compilar e difundir agasallos en galego diversos e para todas as idades. Este repositorio non é unha tenda en liña, senón unha mostra de produtos que podemos regalar, que están en galego e que encontraremos en tendas físicas ou na rede.

Son ademais produtos de aquí, de proximidade, elaborados por empresas e creadores galegos que apostan polo uso da nosa lingua. Desta forma tamén queremos contribuír a apoiar o comercio local e as entidades e persoas que traballan en galego. Outro dos obxectivos da plataforma é facer reflexionar as persoas consumidoras á hora de escolleren os seus regalos, para que tamén a lingua en que están os produtos sexa un factor de elección. Por exemplo, se buscamos unha camiseta ou unha cunca para regalar, tamén podemos escollelas en galego deseñadas e elaboradas por empresas de aquí. Ademais, se nós como compradores e compradoras pedimos ou encargamos produtos en galego, axudaremos a que eses agasallos estean cada vez máis ao noso dispor nas tendas e áreas comerciais.

Para facilitar a busca en Agasallo.eu, os produtos están clasificados en nove categorías (Libros, Música, Audiovisual, Xogos, Tecnoloxía, Téxtil, Experiencias, Alimentación e Outros), que á súa vez se dividen en subcategorías tendo en conta a temática e a idade, co fin de favorecer a procura de regalos dirixidos ao público infantil e xuvenil (en libros, audiovisuais e música). A plataforma tamén conta cun buscador simple e outro avanzado que permite discriminar os produtos por prezo, idade e tipo de proposta.

Para a difusión de Agasallo.eu, a CTNL dispón de cadansúa conta en Facebook e Twitter, onde se van anunciando as novas incorporacións ao repositorio, xa que se trata dunha plataforma aberta que se actualiza ao longo de todo o ano.

Evidentemente, Agasallo non é un repositorio que inclúa todo o que se fai en galego. É unha escolma e unha porta que permitirá as persoas usuarias ir alén da propia plataforma e encontrar nas webs das empresas participantes máis produtos que lles poidan interesar.


Ligazóns relacionadas


Nota informativa

Utiliza a nova

Enviar por Email  Enviar nova
Redes sociais  Chuza! Meneame del.icio.us digg Fresqui

Comentarios


Hemeroteca:  2007 2008 2009 2010 2011 2012 2013 2014 2015 2016 2017 2018 2019 2020 2021 2022 2023 2024

Avisos

    mes anterior
    Marzo de 2024
    mes seguinte
    Calendario da axenda de Artezanía de Galicia
    L M M X V S D
            1 2 3
    4 5 6 7 8 9 10
    11 12 13 14 15 16 17
    18 19 20 21 22 23 24
    25 26 27 28 29 30 31
    Próximos eventos

    • Asociate á CTNL
    • Agasallo. Propostas de regalos en galego
    • LGx15
    • Premios Mil Primaveras
    • Viveiro de propostas normalizadoras
    • En defensa do traballo xusto e ilusionante dos SNL
    • Envianos
    • Canles de novas da CTNL
    • Facebook da CTNL
    • Twitter da CTNL
    • Instagram da CTNL
    • Kit para a normalización en rede
    • Proxector
    • Queremos Galego
    • Eu.gal: Por un dominio galego