CTNL

Actualmente non ten instalado ou necesita actualizar o plugin Flash Player necesario para visualizar correctamente esta web
pode descargalo na siguiente dirección.
Obtener Flash

A CTNL formámola... A CTNL formámola...
Recursos na rede Recursos na rede

Lingua


1175 votos
Xa votaches!


24-04-2021

Queremos Galego convoca unha concentración o 17 de maio na praza do Obradoiro

Queremos vivir en galego
A plataforma Queremos Galego, da cal forma parte a CTNL, convoca unha concentración na praza do Obradoiro para o Día das Letras Galegas, baixo o lema Queremos vivir en galego. Para acudir á mobilización cómpre inscribirse.






A plataforma cidadá Queremos Galego volve convocar a sociedade galega a unha mobilización reivindicativa o 17 de maio. Consistirá nunha concentración na praza do Obradoiro de Compostela gardando as distancias preceptivas por mor da pandemia da COVID-19.

NECESARIA INSCRICIÓN

Debido ás restricións sanitarias, este evento contará cunha capacidade limitada, polo que é necesario inscribirse para asistir, co fin de distribuír as persoas na praza mantendo a distancia de seguranza.

A inscrición farase en liña a través do web da plataforma. Con tres sinxelos pasos poderás participar na mobilización do 17 de maio na praza do Obradoiro:

1. Cubre o formulario de inscrición cos teus datos de contacto.
2. Verifica a acreditación que che chegará ao teu enderezo electrónico.
3. Lembra levar nunha folla impresa ou no móbil a acreditación para poder entrar na praza do Obradoiro.

A organización distribuirá o espazo entre as primeiras persoas que se inscriban, mantendo a distancia de seguranza e cumprindo todas as medidas de seguranza sanitaria.

QUEREMOS VIVIR EN GALEGO

O lema deste ano é Queremos vivir en galego e con el búscase reivindicar o dereito a vivir en galego con toda liberdade, con total normalidade, sen límites, sen coaccións e sen exclusións.

Podermos usar e dispor da nosa lingua en todo e para todo, un dereito humano recollido na Declaración Universal dos Dereitos Humanos, o pacto internacional dos dereitos civís e políticos ou a Carta Europea das Linguas, mais que para o galego aínda temos que conquistar no día a día.

O lema tamén se empregará mediante o cancelo #QueremosVivirEnGalego para informar de todo o referente a esta mobilización e para reivindicar a través das redes sociais os nosos dereitos lingüísticos.

“Desde decembro do 2019 até hoxe contamos cun informe da ONU e dous do Consello de Europa que recollen o que vimos denunciando: que o marco legal para o ensino non respecta a Carta Europea das Linguas, que na xustiza non se garante o uso do galego en calquera proceso ou as dificultades para a atención na administración pública”, salientou Marcos Maceira, presidente da plataforma, na presentación pública da actividade, onde apelou a acompañar estes pronunciamentos internacionais con mobilización social.

A sociedade galega mantivo este último ano a súa mobilización, con centos de iniciativas para gañar novos espazos para o galego ou evitar retrocesos noutros. Entre elas destaca a Inicitiva Xabarín, promovida pola Mesa pola Normalización Lingüística, que chega ao Parlamento galego con máis de 33.000 sinaturas para garantir a posibilidade de gozar de contidos audiovisuais en galego, nomeadamente para a infancia e a mocidade.

Máis información no web de Queremos Galego.

Utiliza a nova

Enviar por Email  Enviar nova
Redes sociais  Chuza! Meneame del.icio.us digg Fresqui

Comentarios


Hemeroteca:  2007 2008 2009 2010 2011 2012 2013 2014 2015 2016 2017 2018 2019 2020 2021

Avisos

    mes anterior
    Outubro de 2021
    mes seguinte
    Calendario da axenda de Artezanía de Galicia
    L M M X V S D
            1 2 3
    4 5 6 7 8 9 10
    11 12 13 14 15 16 17
    18 19 20 21 22 23 24
    25 26 27 28 29 30 31
    Próximos eventos

      • Asociate á CTNL
      • Agasallo. Propostas de regalos en galego
      • LGx15
      • Premios Mil Primaveras
      • Viveiro de propostas normalizadoras
      • Gústame... o galego
      • En defensa do traballo xusto e ilusionante dos SNL
      • Axenda da lingua
      • Envianos
      • Canles de novas da CTNL
      • Facebook da CTNL
      • Twitter da CTNL
      • Kit para a normalización en rede
      • Queremos Galego
      • Eu.gal: Por un dominio galego