Convocatorias

14-10-2023

Bases da convocatoria de axudas da Deputación da Coruña para os SNL en 2024

A Deputación Provincial da Coruña anunciou no BOP do 11 de outubro de 2023 as bases do programa de axudas para a creación, mantemento e reforzo de servizos de normalización lingüística nas entidades locais da provincia durante o ano 2024.

ENTIDADES DESTINATARIAS DAS AXUDAS

Poderán solicitar esta subvención concellos da provincia da Coruña de 5.000 ou máis habitantes ou agrupacións de concellos, mancomunidades e outras entidades locais que, entre eles, cheguen ao mesmo número mínimo de habitantes.

MODALIDADES DE AXUDAS:

A convocatoria establece tres modalidades de axudas:

- creación de novos servizos de normalización lingüística

- mantemento de servizos de normalización lingüística xa existentes

- reforzo de servizos de normalización lingüística xa existentes (única modalidade a que poden concorrer as cidades da provincia: A Coruña, Ferrol e Santiago de Compostela). Neste caso, o persoal de reforzo deberá dedicarse a labores de dinamización sociolingüística.

IMPORTE DAS AXUDAS

As axudas servirán para financiar as retribucións do persoal técnico dos servizos de normalización lingüística (SNL).

O importe total do crédito consignado (550.000 euros) distribuirase entre as entidades beneficiarias, que recibirán unha cantidade máxima de 20.000 euros se a contratación se produce durante todo ano e a xornada completa. O importe reducirase en proporción á xornada desenvolvida polo persoal.

POSTOS DE TRABALLO SUBVENCIONADOS

Os postos de traballo de natureza estrutural que estean desempeñados por persoal funcionario ou laboral fixo e, no caso de estar desempeñados por persoal con vinculación temporal, que teñan iniciado o proceso de estabilización de emprego regulado na Lei 20/2021, do 28 de decembro, de medidas urxentes para a redución da temporalidade no emprego público.

No caso de tratarse de postos de natureza non estrutural, as relacións de emprego que estableza a entidade, sempre que se axusten á lexislación vixente en materia laboral ou funcionarial.

PRAZOS

O prazo de presentación de solicitudes virá fixado pola publicación no BOP do extracto da convocatoria segundo a remisión da Base de Datos Nacional de Subvencións (BDNS). Este anuncio publicouse no BOP do 18 de outubro de 2023 e estableceu como prazo do 20 de outubro de 2023 ás 08:00 h ao 21 de novembro de 2023 ás 14:00 h.

As solicitudes presentaranse telematicamente na sede electrónica da Deputación da Coruña, a través da plataforma de tramitación electrónica da Deputación (SUBTeL).

Así mesmo, na base 8.2 especifícase o prazo de xustificación das subvencións unha vez concedidas: até as 14:00 horas do 30 de marzo de 2025.

Información máis detallada:

- nas bases específicas reguladoras desta convocatoria, en .pdf (BOP do 11 de outubro de 2023)

- Anuncio da convocatoria, en .pdf (BOP do 18 de outubro de 2023)

ADDENDAS

- Resolución pola que se aproba a concesión provisional das axudas, en .pdf (BOP da Coruña do 3 de abril de 2024)

- Resolución pola que se aproba a concesión definitiva das axudas, en .pdf (BOP da Coruña do 27 de maio de 2024)