CTNL

Actualmente non ten instalado ou necesita actualizar o plugin Flash Player necesario para visualizar correctamente esta web
pode descargalo na siguiente dirección.
Obtener Flash

A CTNL formámola... A CTNL formámola...
Recursos na rede Recursos na rede

CTNL


6900 votos
Xa votaches!


09-01-2008

A CTNL solicítalle ao Concello de Oleiros a modificación das bases de técnico/a de normalización lingüística

Pídese que sexa condición estar en posesión do título de licenciada/o universitaria/o ou equivalente.

A Coordinadora de Traballadores/as de Normalización da Lingua (CTNL) envioulle ao alcalde do Concello de Oleiros, con copia para todos os grupos políticos con representación municipal, unha solicitude na que se pide a modificación das bases para a contratación de técnico/a de normalización lingüística publicadas no BOP da provincia da Coruña n.º 293 do venres 21 de decembro de 2007.

Desde a CTNL considérase que a contratación de persoal técnico mediante convocatoria pública por parte dos concellos é sempre algo positivo, polo que así se valora o paso dado polo Concello de Oleiros de contratar un técnico ou técnica de normalización lingüística. Na convocatoria publicada hai algúns aspectos positivos que son acordes cos criterios da CTNL, nomeadamente a denominación de técnico/a de normalización lingüística; a concreción das funcións, que se consideran que son as propias dun SNL; ou o sistema de selección mediante concurso-oposición, os criterios de puntuación da fase de concurso e as probas concretas da fase de oposición.

Mais, ao mesmo tempo, hai unha cuestión grave que cómpre modificar: a condición C da base 5 é, textualmente “Estar en posesión do título de bacharelato ou equivalente, ou en condicións de obtelo na data na que remate o prazo de presentación de instancias”. En definitiva, farán un contrato equiparado ao nivel C, e non ao nivel A, polo que queren ter "técnico/a de normalización de baixo custo".

Polo tanto, e con respecto a esta condición, cómpren as seguintes consideracións:

· Debido ás funcións que se teñen que desenvolver e aos coñecementos e capacidades necesarias para desenvolvelas, as prazas de técnico/a de normalización lingüística deben ser –ou estar para todos os efectos equiparadas ás– prazas de funcionarios/as do grupo A: doutores/as, licenciados/as, enxeñeiros/as, arquitectos/as ou equivalentes.

· Polo tanto, debe ser condición das persoas aspirantes estar en posesión do título de licenciada/o universitaria/o ou equivalente ou en condicións de obtelo na data en que remate o prazo de presentación de solicitudes, e non simplemente estar en posesión do “título de bacharelato ou equivalente”.

· En relación con isto, cómpre lembrar, ademais, que para a concesión de subvencións ás entidades locais para a normalización da lingua galega por parte da Xunta de Galicia “Os servizos municipais e provinciais de normalización lingüística deberán contar, cando menos, cun especialista titulado en lingua galega: licenciado en filoloxía galego-portuguesa, en filoloxía galega ou en filoloxía hispánica (sección galego-portugués)” e que é requisito dos convenios da Deputación da Coruña cos concellos da provincia para a normalización lingüística que “Os servizos municipais de normalización lingüística deberán contar, cando menos, cun especialista titulado en lingua galega: licenciado en Filoloxía Galego-Portuguesa, en Filoloxía Galega ou en Filoloxía Hispánica (sección Galego-Portugués); mestre co diploma de especialista en lingua galega ou co diploma do Curso de nivel superior de linguaxe administrativa galega”.

· Por estas razóns, a CTNL solicitoulle ao Concello de Oleiros que para que se poida seleccionar o persoal máis e mellor capacitado para desenvolver as funcións concretas que se sinalan na convocatoria, para optimizar o labor do SNL local, para que o técnico/a de normalización lingüística traballe en condicións laborais dignas e acordes co seu nivel de estudos, para que o Concello de Oleiros poida optar ás subvencións para o mantemento de SNL da Xunta e ao financiamento do SNL por medio dun convenio coa Deputación da Coruña e, en definitiva, para contribuír a mellorar o proceso de normalización da lingua galega, se modifique a condición C da base 5 da convocatoria para que a condición das persoas aspirantes sexa “estar en posesión do título de licenciada/o universitaria/o ou equivalente ou en condicións de obtelo na data en que remate o prazo de presentación de solicitudes” e que a praza de técnico/a de normalización lingüística estea para todos os efectos equiparada ás prazas de funcionarios/as do grupo A.

Utiliza a nova

Enviar por Email  Enviar nova
Redes sociais  Chuza! Meneame del.icio.us digg Fresqui

Comentarios


Hemeroteca:  2007 2008 2009 2010 2011 2012 2013 2014 2015 2016 2017 2018 2019 2020 2021 2022

Avisos

    mes anterior
    Decembro de 2022
    mes seguinte
    Calendario da axenda de Artezanía de Galicia
    L M M X V S D
          1 2 3 4
    5 6 7 8 9 10 11
    12 13 14 15 16 17 18
    19 20 21 22 23 24 25
    26 27 28 29 30 31  
    Próximos eventos

      • Asociate á CTNL
      • Agasallo. Propostas de regalos en galego
      • LGx15
      • Premios Mil Primaveras
      • Viveiro de propostas normalizadoras
      • Gústame... o galego
      • En defensa do traballo xusto e ilusionante dos SNL
      • Axenda da lingua
      • Envianos
      • Canles de novas da CTNL
      • Facebook da CTNL
      • Twitter da CTNL
      • Instagram da CTNL
      • Kit para a normalización en rede
      • Queremos Galego
      • Eu.gal: Por un dominio galego