CTNL

Actualmente non ten instalado ou necesita actualizar o plugin Flash Player necesario para visualizar correctamente esta web
pode descargalo na siguiente dirección.
Obtener Flash

A CTNL formámola... A CTNL formámola...
Recursos na rede Recursos na rede

Lingua


9122 votos
Xa votaches!


09-02-2012

Club de debate, unha iniciativa conxunta de 13 SNL para favorecer o uso oral da lingua na mocidade

Club de debate, unha iniciativa conxunta de 13 SNL para favorecer o uso oral da lingua na mocidade
Os servizos de normalización lingüística (SNL) de 13 concellos organizan o Club de debate, un certame dirixido a alumnado de 3.º e 4.º de ESO e 1.º de Bacharelato para procurar favorecer o emprego do galego na mocidade en contextos formais, incentivar o pensamento crítico e o intercambio de opinións e afondar na fluidez comunicativa


O Club de Debate é unha actividade que, nos últimos anos, xa viñan desenvolvendo por separado os concellos de Pontevedra e da Coruña mais, este ano, na procura da ampliación territorial, da necesaria colaboración e coordinación administrativa para o fomento da lingua e da optimización de recursos, desenvolverase conxuntamente entre 13 concellos, a través do traballo conxunto e coordinado dos seus servizos de normalización lingüística (SNL): Ames, Betanzos, Carballo, Carral, A Coruña, Ferrol, Oleiros, As Pontes, Pontevedra, Rois, Santiago de Compostela, Teo e Vigo.

Neste certame de debate poden participar equipos mixtos de catro a dez membros de 3.º e 4.º de ESO, 1.º de Bacharelato ou ciclos formativos de, como máximo, 18 anos, dos concellos organizadores. Os equipos participantes enfrontaranse nunha fase comarcal ou de zona e o equipo gañador desta fase competirá na final galega cos outros equipos gañadores da distintas comarcas. Esta final galega terá lugar o 28 de abril en Pontevedra.

A competición consiste na confrontación de argumentos entre dous equipos que defenden dúas posicións enfrontadas sobre o tema obxecto de discusión. Neste debate, o xurado valora a actitude xeral do equipo e dos seus integrantes, a diversidade e orixinalidade dos argumentos expostos, a calidade lingüística das intervencións, a capacidade de traballo en equipo, a capacidade de improvisación e reacción, a naturalidade e clareza expositiva e a capacidade de convencemento e incidencia.

O equipo gañador da fase comarcal, ademais de pasar á fase nacional, terá un premio dun vale en 500 euros en produtos culturais galegos. O equipo gañador da fase galega terá un premio dunha viaxe cultural para un máximo de 25 persoas.
  • Zona da Coruña (bases): Betanzos, Carballo, Carral, A Coruña e Oleiros

  • Zona de Compostela (bases): Ames, Rois, Santiago de Compostela e Teo

  • Zona de Ferrolterra (bases): Ferrol e As Pontes

  • Zona de Pontevedra (bases): Pontevedra

  • Zona de Vigo (bases): Vigo

Desta actividade cómpre destacar –ademais da súa orixinalidade e importancia en canto ao fomento do debate, o intercambio de ideas e o fomento do uso do galego oral entre a mocidade–, tamén a colaboración interadministrativa e a coordinación e traballo conxunto entre 13 servizos de normalización lingüística (SNL) de concellos diversos, algo fundamental tanto para o fomento do galego como para o optimización dos recursos públicos.

Páxina en Facebook do Club de Debate >

Utiliza a nova

Enviar por Email  Enviar nova
Redes sociais  Chuza! Meneame del.icio.us digg Fresqui

Comentarios


Hemeroteca:  2007 2008 2009 2010 2011 2012 2013 2014 2015 2016 2017 2018 2019 2020 2021 2022 2023 2024

Avisos

    mes anterior
    Marzo de 2024
    mes seguinte
    Calendario da axenda de Artezanía de Galicia
    L M M X V S D
            1 2 3
    4 5 6 7 8 9 10
    11 12 13 14 15 16 17
    18 19 20 21 22 23 24
    25 26 27 28 29 30 31
    Próximos eventos

    • Asociate á CTNL
    • Agasallo. Propostas de regalos en galego
    • LGx15
    • Premios Mil Primaveras
    • Viveiro de propostas normalizadoras
    • En defensa do traballo xusto e ilusionante dos SNL
    • Envianos
    • Canles de novas da CTNL
    • Facebook da CTNL
    • Twitter da CTNL
    • Instagram da CTNL
    • Kit para a normalización en rede
    • Proxector
    • Queremos Galego
    • Eu.gal: Por un dominio galego