CTNL

Actualmente non ten instalado ou necesita actualizar o plugin Flash Player necesario para visualizar correctamente esta web
pode descargalo na siguiente dirección.
Obtener Flash

A CTNL formámola... A CTNL formámola...
Recursos na rede Recursos na rede

Formación


8401 votos
Votar | | | |


08-06-2012

Xornada de análise e avaliación dos Celga. 28 de xuño en Santiago

Xornada de análise e avaliación dos Celga
A CTNL organiza unha Xornada de análise e avaliación dos Celga, co obxectivo de analizar o sistema de formación e de acreditación e de facer unha proposta de mellora. Terá lugar o 28 de xuño na Facultade de Comunicación de Santiago de Compostela e o prazo de inscrición está aberto


Listaxe de persoas participantes na xornada (.pdf) >

Convocatoria completa e programa en .pdf >

Obxectivos xerais
-Analizar e avaliar o sistema de acreditación do coñecemento de galego.
-Analizar e avaliar o sistema de formación en lingua para persoas adultas.
-Facer unha proposta de mellora tanto do sistema de acreditación como do sistema de formación en lingua galega.

Contidos que se tratarán
-Análise e avaliación xeral da implantación dos Celga dentro do proceso de normalización lingüística: a capacitación real da cidadanía e do persoal da administración e os requisitos en procesos selectivos, listaxes de contratación, etc.
-Análise e avaliación do sistema de acreditación dos Celga: as validacións e o modelo de acreditación.
-Análise e avaliación dos cursos de formación preparatorios: organización e xestión, metodoloxías e contidos, profesorado, selección de persoal e condicións laborais, etc.
-Proposta xeral de mellora do sistema.

Persoas destinatarias
-Profesorado colaborador de cursos Celga.
-Avaliadores/as das probas Celga.
-Técnicos/as de normalización lingüística.
-Responsábeis de entidades relacionadas coa lingua.
-Persoas interesadas en xeral.

Lugar
-Auditorio da Facultade de Ciencias da Comunicación da Universidade de Santiago de Compostela [Localización]

Dinámica da xornada
-A idea é que esta xornada sirva para analizar e avaliar tanto o sistema de acreditación do coñecemento do galego e a súa implantación, como o sistema de formación en lingua para persoas adultas e, a partir de aí, facer unha proposta de mellora. Para iso, na xornada haberá diversos relatorios e mesas de traballo sobre aspectos concretos do sistema e espazos para o debate. Partirase dun documento base de análise e proposta que será discutido, completado, etc. Este borrador-proposta de documento seralles remitido ás persoas anotadas uns días antes da xornada.

Inscrición
-A inscrición é de balde, e debe facerse a través do formulario que está ao final desta información.
-O número de prazas está limitado a 200, que se adxudicarán por orde de inscrición, dándolles preferencia, en todo caso, ás/aos socias/os da CTNL.
-O prazo de inscrición remata o 23 de xuño, e a listaxe de persoas admitidas publicarase no web da CTNL o día 25 de xuño.

PROGRAMA
Convocatoria completa e programa en .pdf >
10.00 h Benvida

10.15 h O sistema Celga
-Xaquín Núñez (Colaborador da Secretaría Xeral de Política Lingüística para os Celga e profesor da Universidade do Minho)

11.00 h Presentación do documento de partida da proposta da CTNL para mellorar o sistema Celga
-David Cobas (Representante da CTNL)
-Nel Vidal (Representante da CTNL)

12.00 h Pausa

12.30 h Análise e avaliación do sistema de acreditación dos Celga: adaptación do antigo sistema ao novo, o axuste dos distintos niveis ao MCERL
-Manuel N. Singala (Técnico de normalización lingüística da USC)

13.00 h Análise e avaliación dos cursos de formación preparatorios: planificación, organización e xestión
-Rosa Moreiras (Técnica de normalización lingüística do Concello de Ames)
-Roberto Rielo (Técnico de normalización lingüística do Concello de Teo)

13.30 h Debate

14.00 h Xantar

16.30 h Análise e avaliación dos cursos de formación preparatorios: enfoque, metodoloxía, materiais e contidos
-Regina Díaz (Profesora colaboradora Celga)
-María López (Profesora colaboradora Celga)
-Anxo Otero (Profesor colaborador Celga)

17.00 h Debate

17.30 h Análise e avaliación da calidade docente nos cursos de formación preparatorios: situación profesional do profesorado e listaxes de contratación
-Carmen Pereiro (Profesora colaboradora da SXPL)
-Gabriel Gómez (Profesor colaborador da SXPL)
-César Caramés (Profesor colaborador da SXPL)

18.00 h Debate

18.30 h Pausa

19.00 h Análise das probas de avaliación dos Celga: criterios de avaliación e tipoloxía das probas
-Esperanza Moreiras (Profesora de galego na Escola Oficial de Idiomas de Santiago de Compostela)
-Ana García (Avaliadora Celga)
-Irene Bravo (Avaliadora Celga)

19.30 h Debate

20.00 h Conclusións xerais e pecha da xornada

Convocatoria completa e programa en .pdf >

Listaxe de persoas participantes na xornada (.pdf) >


Ligazóns relacionadas


Xornada de análise e avaliación dos Celga (CTNL 2012)

Utiliza a nova

Enviar por Email  Enviar nova
Redes sociais  Chuza! Meneame del.icio.us digg Fresqui

Comentarios


Hemeroteca:  2007 2008 2009 2010 2011 2012 2013 2014 2015 2016 2017 2018 2019 2020 2021 2022

Avisos

    mes anterior
    Agosto de 2022
    mes seguinte
    Calendario da axenda de Artezanía de Galicia
    L M M X V S D
    1 2 3 4 5 6 7
    8 9 10 11 12 13 14
    15 16 17 18 19 20 21
    22 23 24 25 26 27 28
    29 30 31     
    Próximos eventos

    • Asociate á CTNL
    • Agasallo. Propostas de regalos en galego
    • LGx15
    • Premios Mil Primaveras
    • Viveiro de propostas normalizadoras
    • Gústame... o galego
    • En defensa do traballo xusto e ilusionante dos SNL
    • Axenda da lingua
    • Envianos
    • Canles de novas da CTNL
    • Facebook da CTNL
    • Twitter da CTNL
    • Kit para a normalización en rede
    • Queremos Galego
    • Eu.gal: Por un dominio galego