CTNL

Actualmente non ten instalado ou necesita actualizar o plugin Flash Player necesario para visualizar correctamente esta web
pode descargalo na siguiente dirección.
Obtener Flash

A CTNL formámola... A CTNL formámola...
Recursos na rede Recursos na rede

Formación


9952 votos
Votar | | | |


24-09-2012

Ciclo de conferencias na USC sobre dereitos lingüísticos

Ciclo de conferencias na USC sobre dereitos lingüísticos
A Comisión de Normalización Lingüística da Facultade de Dereito e o Servizo de Normalización Lingüística organizan, no marco do plan de actuacións "Témoslle lei", o ciclo de conferencias "Dereitos lingüísticos en Galicia". Teñen lugar os días 28 de setembro; 5, 19, 26 de outubro; e 9, 16 de novembro de 2012


A Comisión de Normalización Lingüística da Facultade de Dereito e o Servizo de Normalización Lingüística da Universidade de Santiago de Compostela organizan, no marco do plan de actuacións "Témoslle lei", o ciclo de conferencias "Dereitos lingüísticos en Galicia".

Os profesionais do Dereito e da Administración pública en Galicia, segundo a normativa vixente, deben estar preparados para satisfaceren os dereitos lingüísticos da cidadanía. Durante as conferencias darase a coñecer os dereitos lingüísticos e a súa protección nos diversos ámbitos (administración pública, xustiza, educación, ámbito privado) e ofreceráselles aos asistentes a oportunidade de reflexionaren, a través da participación nos coloquios posteriores ás conferencias impartidas por especialistas e da elaboración dun traballo persoal sobre sentenzas en relación coa protección e defensa dos dereitos lingüísticos.

Destinatarios/as: Todas as persoas interesadas en coñecer o alcance dos dereitos lingüísticos e as obrigas dos poderes públicos de garantilos, e nomeadamente estudantes de Dereito, de Ciencias Políticas e da Administración, de Relacións Laborais e de Filoloxía Galega

Matrícula: De balde, a través da Secretaría Virtual da USC.

Prazo de matrícula: do 10 ao 25 de setembro

Prazas: 50

Diploma de asistencia: Para obter o diploma, en que constarán as 15 horas presenciais, será preciso asistir ao 80% de todas as sesións programadas. Haberá control de asistencia.

Crédito: Recoñeceráselles 1 crédito de libre configuración a estudantes das licenciaturas en Dereito, Políticas e Filoloxía, e da e diplomatura en Relacións Laborais que o soliciten, cumpran co 80% da asistencia e entreguen o traballo persoal. Está solicitado o recoñecemento de competencias transversais para alumnado dos graos correspondentes.

Responsable académica: Alba Nogueira López, profesora titular de Dereito Administrativo

PROGRAMA

Horario: de 12.00 a 14.30 h
Facultade de Dereito, Sala de Xuntas do Decanato

28 de setembro
Os dereitos lingüísticos da cidadanía
Dra. Alba Nogueira López
Profesora titular de Dereito Administrativo da USC

5 de outubro
O poder que nos fala: os dereitos lingüísticos na administración pública
Don Xesús Costas Abreu
Letrado xefe da Asesoría Xurídica do Concello de Vigo

19 de outubro
A Administración de Xustiza: servizo público ou poder sen dereitos lingüísticos?
Don Luis Villares Naveira
Maxistrado do Xulgado do Contencioso nº 2 de Lugo

26 de outubro

Os dereitos lingüísticos no sistema educativo
Dra. Eva Pons Parera
Profesora titular de Dereito Constitucional da Universidade de Barcelona

9 de novembro
A intervención lingüística nas actividades privadas e no sector socioeconómico
Dr. Iñigo Urrutia Libarona
Profesor da Universidade do País Vasco

16 de novembro: Proxección / teatro de temática relacionada e coloquio posterior (esta data poderá modificarse en función da dispoñibilidade da compañía teatral)

Información completa no web do SNL da USC >

Utiliza a nova

Enviar por Email  Enviar nova
Redes sociais  Chuza! Meneame del.icio.us digg Fresqui

Comentarios


Hemeroteca:  2007 2008 2009 2010 2011 2012 2013 2014 2015 2016 2017 2018 2019 2020 2021 2022 2023 2024

Avisos

    mes anterior
    Marzo de 2024
    mes seguinte
    Calendario da axenda de Artezanía de Galicia
    L M M X V S D
            1 2 3
    4 5 6 7 8 9 10
    11 12 13 14 15 16 17
    18 19 20 21 22 23 24
    25 26 27 28 29 30 31
    Próximos eventos

    • Asociate á CTNL
    • Agasallo. Propostas de regalos en galego
    • LGx15
    • Premios Mil Primaveras
    • Viveiro de propostas normalizadoras
    • En defensa do traballo xusto e ilusionante dos SNL
    • Envianos
    • Canles de novas da CTNL
    • Facebook da CTNL
    • Twitter da CTNL
    • Instagram da CTNL
    • Kit para a normalización en rede
    • Proxector
    • Queremos Galego
    • Eu.gal: Por un dominio galego