CTNL

Actualmente non ten instalado ou necesita actualizar o plugin Flash Player necesario para visualizar correctamente esta web
pode descargalo na siguiente dirección.
Obtener Flash

A CTNL formámola... A CTNL formámola...
Recursos na rede Recursos na rede

Lingua


8738 votos
Votar | | | |


03-05-2013

O galego é unha oportunidade, tema da final galega do Club de Debate, este sábado 4 en Santiago

Participantes no Club de Debate 2012
Este sábado 4 de maio ten lugar en Santiago de Compostela a final galega do Club de Debate organizado desde os SNL de dez concellos. O tema sobre o que debaterán os seis equipos que disputan esta final, aberta ao público, é “O galego é unha oportunidade”


Os debates desta fase final do Club de Debate, abertos ao público, teñen lugar no Auditorio de Galicia, en Santiago de Compostela. O primeiro deles terá lugar ás 10.15 h, e haberá seis ao longo de todo o día. Os dous equipos que máis puntos reciban neses seis debates protagonizarán unha final, ás 18.45 h, da que sairá o equipo gañador, que levará como premio unha viaxe cultural dunha fin de semana para 25 persoas.

Os equipos participantes nesta fase final, representantes das seis zonas en que se divide o certame, son o CPI dos Dices (Rois), o CPR María Auxiliadora-Salesianos (Ourense), o IES Castelao (Vigo), o IES Parga Pondal (Carballo), o IES Sánchez Cantón (Pontevedra) e o IES Saturnino Montojo (Ferrol).

Este Club de Debate é unha actividade organizada de maneira colaborativa desde os servizos de normalización lingüística (SNL) de 10 concellos, que son Ames, Carballo, Cee, Ferrol, Ourense, Pontevedra, Rois, Santiago de Compostela, Teo e Vigo. Ao longo do ano tiveron lugar fases de zona, e os equipos que chegan agora a esta final son os gañadores desas fases territoriais.

Os equipos teñen que defender en cada debate unha postura, a favor ou en contra, sobre o tema proposto, e os criterios que se teñen en conta para a puntuación son a capacidade de convicción dos posicionamentos; a calidade, orixinalidade e pertinencia na argumentación; a capacidade para provocar que se preste atención; a seguridade e manexo da situación, dos tempos e do espazo; a capacidade de improvisación e soltura nas intervencións; a capacidade de oratoria e linguaxe variada e apropiada; a calidade lingüística; a comunicación non verbal axeitada; o uso eficaz de material de apoio; e o funcionamento como equipo, coordinación e actitude.

Os obxectivos da actividade son favorecer o emprego da lingua galega entre a mocidade, especialmente os usos orais en contextos formais e informais; potenciar a fluidez comunicativa ligada á oratoria; promover o pensamento crítico e analítico; e fomentar a diversidade de opinións, a tolerancia fronte a diferentes cuestións e o traballo en equipo.

HORARIO
Acreditación de equipos: 9.30 h
Presentación e benvida: 10.00 h
1.º Debate: 10.15 h
2.º Debate: 11.10 h
Descanso: 12.05 h
3.º Debate: 12.30 h
4.º Debate: 13.25 h
Xantar: 14.20 h
5.º Debate: 16.30 h
6.º Debate: 17.25 h
Descanso: 18.20 h
DEBATE FINAL: 18.45 h
Proclamación do equipo gañador e entrega de premios: 19.45 h


Utiliza a nova

Enviar por Email  Enviar nova
Redes sociais  Chuza! Meneame del.icio.us digg Fresqui

Comentarios


Hemeroteca:  2007 2008 2009 2010 2011 2012 2013 2014 2015 2016 2017 2018 2019 2020 2021 2022 2023 2024

Avisos

    mes anterior
    Marzo de 2024
    mes seguinte
    Calendario da axenda de Artezanía de Galicia
    L M M X V S D
            1 2 3
    4 5 6 7 8 9 10
    11 12 13 14 15 16 17
    18 19 20 21 22 23 24
    25 26 27 28 29 30 31
    Próximos eventos

    • Asociate á CTNL
    • Agasallo. Propostas de regalos en galego
    • LGx15
    • Premios Mil Primaveras
    • Viveiro de propostas normalizadoras
    • En defensa do traballo xusto e ilusionante dos SNL
    • Envianos
    • Canles de novas da CTNL
    • Facebook da CTNL
    • Twitter da CTNL
    • Instagram da CTNL
    • Kit para a normalización en rede
    • Proxector
    • Queremos Galego
    • Eu.gal: Por un dominio galego