CTNL

Actualmente non ten instalado ou necesita actualizar o plugin Flash Player necesario para visualizar correctamente esta web
pode descargalo na siguiente dirección.
Obtener Flash

A CTNL formámola... A CTNL formámola...
Recursos na rede Recursos na rede

CTNL


12653 votos
Votar | | | |


14-02-2014

Os/as técnicos/as de normalización lingüística dos concellos piden a anulación da actual convocatoria de cursos Celga e unha mellor planificación por parte da Xunta

Cursos Celga
Ante a comunicación da Secretaría Xeral de Política Lingüística (SXPL) da Xunta de Galicia relativa aos cursos de lingua galega preparatorios para as probas Celga 2014, técnicas e técnicos de normalización lingüística da administración local e a Coordinadora de Traballadores/as de Normalización da Lingua (CTNL) piden que se anule esa convocatoria «pois o que consegue é dificultar cada vez máis que unha persoa que queira aprender galego poida facelo». Propoñen un novo método que lles facilite ás persoas interesadas a asistencia a cursos para a súa formación lingüística


Técnicas e técnicos de normalización lingüística das sete cidades galegas e das principais vilas e comarcas do país encargadas/os de xestionar os cursos de galego Celga acaban de solicitarlle á Xunta de Galicia «que se anule de xeito inmediato» a comunicación que a Secretaría Xeral de Política Lingüística (SXPL) lles remitiu aos concellos relativa á realización dos cursos de galego preparatorios para as probas Celga 2014, pois consideran que, coas instrucións que contén, é «un grave paso atrás que empeora notablemente a xa mala planificación e xestión da formación lingüística da poboación adulta», xa que, segundo sinalan, supón unha «total falta de planificación»; «incrementa a dificultade, complexidade e incomodidade do método de inscrición»; dá uns prazos «ridículos que dificultan a difusión da información», pois só é duns doce días para todo o proceso de planificación, convocatoria, publicitación, inscrición, xestión, trámite, etc.; e porque carece de «criterios, obxectividade e transparencia para a adxudicación e programación dos cursos».

Na solicitude (.pdf) que as técnicas e técnicos de normalización municipais e a CTNL lle fixeron chegar á Xunta pídese que se «anule de xeito inmediato esta comunicación informal da SXPL sobre a realización de cursos Celga» e que se faga «unha planificación anual da oferta formativa» que permita «saber que cursos hai en cada localidade e/ou comarca, e as súas datas e horarios, para poder desenvolver unha maior e mellor difusión da formación en lingua galega dirixida ao conxunto da cidadanía», coa finalidade de facilitarlle a asistencia a cursos a todas as persoas interesadas, pois agora a Xunta obriga as persoas interesadas a preinscribirse en cursos que non se sabe se vai haber e, en caso de habelos, non se sabe que días serán, que horarios terán, etc.

Que se pense nas persoas
O colectivo de profesionais da lingua fai tamén un chamamento para que «desde a Xunta de Galicia se pense nas miles de persoas que queren e/ou teñen que formarse en lingua galega e que están pendentes das convocatorias dos Celga para poderen acceder a un posto de traballo, a unha convocatoria de emprego público, a un curso de inserción laboral, etc., e que non poden facelo, nalgúns casos perdendo un ano enteiro e incluso máis, por culpa da mala planificación e xestión da SXPL e polas escasas oportunidades de formación e de acreditación Celga que esta ofrece».

Proposta para a mellora da planificación e xestión da formación en lingua galega
Segundo sinalan, «desde hai anos levamos solicitando unha mellora na xestión e planificación dos cursos de galego e, lonxe disto, a SXPL dá agora este grave paso atrás que empeora aínda máis a xa mala xestión que había». En 2012 presentáronlle á Xunta unha Proposta para a mellora da planificación e xestión dos Celga, elaborada e consensuada desde os diversos ámbitos relacionados coa formación lingüística de persoas adultas (técnicos/as de normalización, profesorado, persoal avaliador, etc.), mais «a SXPL, a pesar das súas boas palabras, lonxe de tela en conta, aínda empeora máis a planificación e organización de cursos de galego».

Sexa como for, pese a todas as trabas que desde a SXPL poñen con este procedemento e aos ridículos prazos, indican que desde os servizos de normalización lingüística (SNL) se debe procurar que as, aínda que escasas, posibilidades de formación lingüística lle cheguen a todas as persoas interesadas, para que a cidadanía sufra o menos posible «a mala xestión e o desleixo da Secretaría Xeral de Política Lingüística da Xunta de Galicia». Deste xeito, cren que se debe procurar que lle cheguen á Xunta todas as solicitudes de cursos posibles e as demandas de formación real, polo que consideran que desde os concellos se debe publicitar a convocatoria e a formación Celga canto máis mellor, «o que non quita que se denuncie a mala xestión e planificación por parte da SXPL e que solicitemos que se anule de inmediato esa convocatoria para facer unha nova, planificada e coherente».



Ligazóns relacionadas


Solicitude para a planificación dos cursos Celga e a anulación da actual convocatoria (.pdf) >

Utiliza a nova

Enviar por Email  Enviar nova
Redes sociais  Chuza! Meneame del.icio.us digg Fresqui

Comentarios


Hemeroteca:  2007 2008 2009 2010 2011 2012 2013 2014 2015 2016 2017 2018 2019 2020 2021 2022

Avisos

    mes anterior
    Maio de 2022
    mes seguinte
    Calendario da axenda de Artezanía de Galicia
    L M M X V S D
                1
    2 3 4 5 6 7 8
    9 10 11 12 13 14 15
    16 17 18 19 20 21 22
    23 24 25 26 27 28 29
    30 31      
    Próximos eventos

      • Asociate á CTNL
      • Agasallo. Propostas de regalos en galego
      • LGx15
      • Premios Mil Primaveras
      • Viveiro de propostas normalizadoras
      • Gústame... o galego
      • En defensa do traballo xusto e ilusionante dos SNL
      • Axenda da lingua
      • Envianos
      • Canles de novas da CTNL
      • Facebook da CTNL
      • Twitter da CTNL
      • Kit para a normalización en rede
      • Queremos Galego
      • Eu.gal: Por un dominio galego