CTNL

Actualmente non ten instalado ou necesita actualizar o plugin Flash Player necesario para visualizar correctamente esta web
pode descargalo na siguiente dirección.
Obtener Flash

A CTNL formámola... A CTNL formámola...
Recursos na rede Recursos na rede

CTNL


16126 votos
Votar | | | |


02-10-2014

Denuncian que non teñen en conta os/as técnicos/as para avaliar o cumprimento da Carta Europea das Linguas

Denuncian que non teñen en conta os técnicos para avaliar o cumprimento da Carta Europea das Linguas
A CTNL denuncia que o Comité de Expertos sobre linguas minoritarias non ten en conta o coñecemento, a visión nin a opinión dos/as técnicos/as que traballan no día a día no proceso de normalización lingüística nos diversos ámbitos e zonas do país


[Santiago de Compostela, 2 de outubro de 2014]

O Comité de Expertos sobre Linguas Minoritarias –organismo dependente do Consello de Europa encargado de velar polo cumprimento da Carta Europea das Linguas–, reunirase este luns 6 de outubro en Santiago de Compostela con diversas entidades para examinar o grao de cumprimento desa Carta europea por parte do goberno con respecto á lingua galega no período 2010-2013.

Para esa xuntanza, o Comité de Expertos convocou e pediulle información a algunhas entidades públicas e tamén a algúns colectivos sociais que, en diversos ámbitos, teñen entre os seus intereses a defensa da lingua, mais, segundo denuncian desde a Coordinadora de Traballadores/as de Normalización da Lingua (CTNL), «é curioso, e tamén preocupante, que non fosen convocados/as os/as técnicos/as de normalización lingüística, persoas expertas que coñecen moi ben a situación sociolingüística do día a día e de primeira man desde un punto de vista técnico». Deste xeito, Nel Vidal, presidente da entidade que reúne as traballadoras e traballadores de normalización lingüística, sinala que «é un erro que empobrece o informe do Comité de Expertos, pois ao ser a CTNL unha entidade que reúne as persoas que no día a día traballan en normalización lingüística desde diversas entidades, ámbitos e zonas, poderiamos achegar datos, información e opinións valiosas para que ese informe fose o máis completo e obxectivo posible».

O Comité de Expertos convocou algunhas entidades públicas e sociais, mais, engaden desde a CTNL, «a visión dos técnicos e das técnicas complementa a información, visión e opinión desas outras entidades convocadas», pois, indican, «somos quen xestionamos o proceso de normalización no día a día en entidades como concellos ou universidades, en ámbitos como a administración ou empresas, e xestionando accións de formación, de dinamización ou de asesoramento e que, polo tanto, coñecemos moi ben a situación, os problemas concretos ou as cousas que hai que mellorar nas diversas zonas do país e nos diversos sectores e ámbitos sociais».

Visión parcial do goberno
Desde a CTNL tamén se queixan da «parcialidade» do apartado sobre o galego do informe previo que elaborou o Estado sobre a situación lingüística de Galicia, onde «o goberno non recoñece practicamente ningún problema e pinta unha situación case ideal, moi afastada da realidade», polo que «xusto por ese motivo sería aínda máis importante que o Comité de Expertos europeo contase co coñecemento real da situación que pode achegar a CTNL, e coa visión e opinión dos/as técnicos/as de normalización».

Empeoramento da situación
Por último, lembran que o informe anterior do Consello de Europa era tremendamente crítico co goberno galego e denunciaba múltiples incumprimentos deste con respecto á lingua propia, «mais a situación aínda foi a peor, pois a acción da Xunta con respecto ao galego é de desleixo e desprotección total, polo que os incumprimentos da Carta Europea das Linguas Rexionais ou Minoritarias non deixan de incrementar no ensino, na administración, na xustiza, etc.».

Utiliza a nova

Enviar por Email  Enviar nova
Redes sociais  Chuza! Meneame del.icio.us digg Fresqui

Comentarios


Hemeroteca:  2007 2008 2009 2010 2011 2012 2013 2014 2015 2016 2017 2018 2019 2020 2021 2022 2023 2024

Avisos

    mes anterior
    Marzo de 2024
    mes seguinte
    Calendario da axenda de Artezanía de Galicia
    L M M X V S D
            1 2 3
    4 5 6 7 8 9 10
    11 12 13 14 15 16 17
    18 19 20 21 22 23 24
    25 26 27 28 29 30 31
    Próximos eventos

      • Asociate á CTNL
      • Agasallo. Propostas de regalos en galego
      • LGx15
      • Premios Mil Primaveras
      • Viveiro de propostas normalizadoras
      • En defensa do traballo xusto e ilusionante dos SNL
      • Envianos
      • Canles de novas da CTNL
      • Facebook da CTNL
      • Twitter da CTNL
      • Instagram da CTNL
      • Kit para a normalización en rede
      • Proxector
      • Queremos Galego
      • Eu.gal: Por un dominio galego