CTNL

Actualmente non ten instalado ou necesita actualizar o plugin Flash Player necesario para visualizar correctamente esta web
pode descargalo na siguiente dirección.
Obtener Flash

A CTNL formámola... A CTNL formámola...
Recursos na rede Recursos na rede

Lingua


11528 votos
Votar | | | |


23-03-2015

Doce concellos procurarán mellorar a socialización en galego na infancia co proxecto Apego

Acto de sinatura para a posta en marcha do proxecto Apego
Ante a preocupante situación da adquisición, socialización e uso do galego nas idades máis temperás, doce concellos queren mudar as cousas e toman a iniciativa a través do proxecto Apego. Son A Baña, Carballo, Carnota, Ferrol, Narón, Negreira, Ourense, Pontevedra, Redondela, Rois, Santiago de Compostela e Vigo


Apego é afección, inclinación ou amor por algo ou alguén. Apego é vínculo. Apego é sintonía, empatía. O apego é necesario para o desenvolvemento social e emocional. E o apego é fundamental para a lingua.

Este luns día 23 de marzo doce concellos galegos asinaron en Compostela o compromiso para a posta en marcha do proxecto Apego, para a socialización en galego desde a primeira infancia, e que procurará implicar as familias na valoración positiva da lingua propia. Para isto as diferentes fases do proxecto axudarán a tecer redes de apoio para a transmisión do galego como idioma de relación, descuberta do mundo e identificación coa familia e coas raíces, co propio. Así, os obxectivos do programa Apego son, por unha banda, incrementar a porcentaxe de nenos e nenas que adquiren o galego como lingua inicial e, por outra, promover que o usen de maneira habitual e que teñan espazos, situacións e recursos para facelo, polo que incluirá accións dirixidas ao ámbito familiar e social das crianzas ata os seis anos e cun método de continuidade que se irá enriquecendo en rede, coa colaboración de todos/as.

IMAXE, CAMPAÑA, MATERIAIS DE BENVIDA AO MUNDO, DISCO...

Entre as accións de Apego que foron comprometidas polos doce concellos participantes está o deseño dunha imaxe común para o programa; a edición dunha campaña informativa con material para distribuír nos espazos que habitualmente atenden ao embarazo e á adopción; a produción e distribución de 5.000 caixas con materiais como un libro de recomendacións, un álbum de primeiras experiencias, unha manta-apego, un medidor, etc., para entregarlles ás persoas que agardan un fillo ou filla coa finalidade de preparar a acollida das crianzas, dende a perspectiva da responsabilidade da transmisión da lingua, ou a produción e distribución de 5.000 discos con cancións infantís en galego de grupos variados para diferentes momentos e con diferentes motivos. O programa Apego buscará tamén a creación dunha rede coas familias interesadas en recibir información e recursos de apoio para a crianza en galego.

Estas actividades completaranse con obradoiros formativos, con ctividades dirixidas á primeira infancia e coa creación dun espazo-web para informar do desenvolvemento do programa e aglutinar o acceso á información, recursos e redes de apoio á transmisión da lingua.

PROXECTO COLABORATIVO E COOPERATIVO DESENVOLVIDO DESDE OS SERVIZOS DE NORMALIZACIÓN LINGÜÍSTICA

O proxecto Apego naceu a partir do Curso de verán de dinamización lingüística que organizou a Universidade da Coruña, en colaboración coa CTNL, en Carballo, e que tivo lugar no mes de xullo centrado na transmisión interxeracional da lingua (Vídeo con +info aquí). A partir de aí, varios/as técnicos/as dos servizos de normalización lingüística (SNL) fórono desenvolvendo e propuxéronlles a implementación do programa a todos os concellos que contan con estes servizos, e foron doce os que, para procurar mellorar a situación da lingua nas idades máis temperás, se comprometeron a executalo. Son A Baña, Carballo, Carnota, Ferrol, Narón, Negreira, Ourense, Pontevedra, Redondela, Rois, Santiago de Compostela e Vigo.

Na sinatura do protocolo de colaboración, ademais de representantes dos doce concellos impulsores desta iniciativa, tamén participaron cos seus arrolos os músicos Xabier Díaz e Guillerme Fernández.

A implementación de Apego comezará a principios do mes de maio.

Utiliza a nova

Enviar por Email  Enviar nova
Redes sociais  Chuza! Meneame del.icio.us digg Fresqui

Comentarios


Hemeroteca:  2007 2008 2009 2010 2011 2012 2013 2014 2015 2016 2017 2018 2019 2020 2021 2022

Avisos

    mes anterior
    Maio de 2022
    mes seguinte
    Calendario da axenda de Artezanía de Galicia
    L M M X V S D
                1
    2 3 4 5 6 7 8
    9 10 11 12 13 14 15
    16 17 18 19 20 21 22
    23 24 25 26 27 28 29
    30 31      
    Próximos eventos

      • Asociate á CTNL
      • Agasallo. Propostas de regalos en galego
      • LGx15
      • Premios Mil Primaveras
      • Viveiro de propostas normalizadoras
      • Gústame... o galego
      • En defensa do traballo xusto e ilusionante dos SNL
      • Axenda da lingua
      • Envianos
      • Canles de novas da CTNL
      • Facebook da CTNL
      • Twitter da CTNL
      • Kit para a normalización en rede
      • Queremos Galego
      • Eu.gal: Por un dominio galego