Lingua

27-03-2016

Hitzargiak. Linguas que se iluminan mutuamente

“Queremos coñecer prácticas adecuadas, interesantes, eficaces, exemplares e inspiradoras para revitalizar as linguas europeas!” Con este chamamento, o proxecto Hitzargiak. Linguas que se iluminan mutuamente convídanos a formar parte del.

O obxectivo principal do proxecto é consolidar una rede de contactos das comunidades lingüísticas de Europa, para que que se coñezan e alimenten mutuamente e conseguir así unha maior eficacia nos procesos de revitalización das linguas locais.

A través do web danse a coñecer boas prácticas que se desenvolveron ou se están a desenvolver en procesos de revitalización de linguas minorizadas de Europa. Así mesmo, tamén serve para pór en contacto os axentes que participan nestas actividades, que poderán xuntarse e intercambiar experiencias nun encontro que se vai organizar no vindeiro mes de xuño.

Con todo, o proxecto Hitzargiak non finalizará co encontro. A plataforma virtual seguirá en funcionamento recompilando e canalizando relacións e colaboracións para que no futuro se continúe a tecer a rede construída ata ese momento.

Neste primeiro momento, o comité científico do proxecto Hitzargiak escolleu once boas prácticas galegas, que poden aumentar no futuro:
- Modelo Burela
- Club de Debate
- Apego
- Tíralle da lingua
- Cantalingua
- Agasallo
- Gústame o galego
- Como cho digo ;-)
- Clube da lingua
- Documental A memoria da lingua
- Escolas de ensino galego Semente

Máis información aquí>