19-06-2018Ordenanza para o impulso social da lingua galega no Concello das Neves
![Ordenanza de NL das Neves Ordenanza de NL das Neves](imagen.php?file=../upload/not/1332-f-ordenanza_as_neves200.jpg)
O
Boletín Oficial da Provincia de Pontevedra do 15 de xuño de 2018 publicou a aprobación definitiva da
Ordenanza para o impulso social da lingua galega no Concello das Neves, un texto aprobado no Pleno municipal o 7 de marzo de 2018.
Este texto do Concello das Neves declara o
galego como lingua oficial do Concello, por ser lingua propia e oficial de Galicia. Por tanto establécese o uso da lingua galega "en todas as súas accións, nas súas actuacións administrativas, na documentación, na comunicación social, e nas relacións coas cidadás, cos cidadáns e con todas as entidades situadas en Galicia e con aqueloutras que admitan o galego para as actuacións administrativas".
Ao longo dos seus
15 capítulos e 23 artigos, regúlase o uso do galego e a acción lingüística do concello na atención ao público; na documentación e actuación administrativa; nas publicacións, accións informativas, formativas e actividades públicas; na sinalización e rotulación; nas relacións con outras administracións; nas relacións con empresas privadas; polo persoal ao servizo da administración, e na toponimia e nomes de rúas, lugares ou edificios. Tamén se establece a responsabilidade do concello no impulso institucional do idioma, a necesidade de coidar a calidade lingüística e o uso dunha linguaxe democrática e inclusiva, e os mecanismos de cumprimento e seguimento da ordenanza.
O SERVIZO DE NORMALIZACIÓN LINGÜÍSTICA(SNL)O capítulo décimo cuarto está dedicado especificamente á previsión de crear un servizo de normalización lingüística (SNL) municipal. Os seus obxectivos e funcións tamén quedan establecidas nesta ordenanza (art. 22), e indícase que debe estar "dotado con medios materiais e humanos suficientes co obxecto de impulsar a normalización e procurar o incremento do uso e prestixio do idioma galego a todos os niveis e ámbitos sociais, e de coordinar as accións necesarias para darlle cumprimento á ordenanza". Así mesmo, enumera as súas tarefas nas áreas de dinamización sociolingüística, formación sociolingüística, asesoramento lingüístico e funcións xerais.
Ordenanza para o impulso social da lingua galega no Concello das Neves, en .pdf