CTNL

Actualmente non ten instalado ou necesita actualizar o plugin Flash Player necesario para visualizar correctamente esta web
pode descargalo na siguiente dirección.
Obtener Flash

A CTNL formámola... A CTNL formámola...
Recursos na rede Recursos na rede

Lingua


16053 votos
Votar | | | |


07-11-2018

Ordenanza para o impulso social da lingua galega no Concello de Fornelos de Montes

Ordenanza de NL de Fornelos de Montes
O Concello de Fornelos de Montes aprobou definitivamente a súa Ordenanza para o impulso social da lingua galega. O texto aprobouse no Pleno do 30 de agosto e publicouse no BOP de Pontevedra do 6 de novembro.


O Boletín Oficial da Provincia de Pontevedra do 6 de novembro de 2018 publicou a aprobación definitiva da Ordenanza para o impulso social da lingua galega no Concello de Fornelos de Montes.

Este texto legal declara o galego como idioma oficial do Concello, idioma que empregará "en todas as súas accións, nas súas actuacións administrativas, na documentación, na comunicación social, e nas relacións coa cidadanía e con todas as entidades situadas en Galicia e con aqueloutras que admitan o galego para as actuacións administrativas".

A ordenanza do Concello de Fornelos de Montes ten 22 artigos distribuídos en 13 capítulos (por erro numerados como 12) e unha disposición adicional. Ao longo do articulado, regúlase o uso do galego na atención ao público; na documentación e actuación administrativa; nas publicacións, accións informativas, formativas e actividades públicas; na compra de bens e materiais e encargo e contratación de servizos; na sinalización e rotulación; nas relacións con outras administracións; nas relacións coas empresas privadas; polo persoal ao servizo da Administración; e na toponimia e nomes de rúas, emprazamentos e edificios.

Tamén se establece a responsabilidade do concello no impulso institucional do idioma, na calidade lingüística e no uso dunha linguaxe democrática e inclusiva. A disposición adicional establece que o Concello de Fornelos de Montes poderá crear un Consello Social da Lingua para "favorecer a participación social no impulso e dinamización do uso do galego".


O SERVIZO DE NORMALIZACIÓN LINGÜÍSTICA (SNL)

O texto da ordenanza unicamente fai referencia ao servizo de normalización lingüística en dous artigos, o 10 e o 12.4, atribuíndolle funcións só de corrección lingüística de textos, rótulos e sinalizacións.

As funcións dos servizos de normalización lingüística abranguen moito máis ca a simple corrección de textos. Son os departamentos técnicos que asesoran as entidades locais no impulso do uso e do prestixio da nosa lingua en todos os seus ámbitos de influencia; que planifican, xestionan, executan e avalían accións a prol da lingua en diferentes ámbitos e contextos; que deseñan e coordinan, segundo as necesidades, accións formativas para mellorar as competencias e as actitudes lingüísticas etc.

Ordenanza para o impulso social da lingua galega no Concello de Fornelos de Montes, en .pdf

Utiliza a nova

Enviar por Email  Enviar nova
Redes sociais  Chuza! Meneame del.icio.us digg Fresqui

Comentarios


Hemeroteca:  2007 2008 2009 2010 2011 2012 2013 2014 2015 2016 2017 2018 2019 2020 2021 2022 2023 2024

Avisos

    mes anterior
    Novembro de 2018
    mes seguinte
    Calendario da axenda de Artezanía de Galicia
    L M M X V S D
          1 2 3 4
    5 6 7 8 9 10 11
    12 13 14 15 16 17 18
    19 20 21 22 23 24 25
    26 27 28 29 30   
    Próximos eventos

    • Asociate á CTNL
    • Agasallo. Propostas de regalos en galego
    • LGx15
    • Premios Mil Primaveras
    • Viveiro de propostas normalizadoras
    • En defensa do traballo xusto e ilusionante dos SNL
    • Envianos
    • Canles de novas da CTNL
    • Facebook da CTNL
    • Twitter da CTNL
    • Instagram da CTNL
    • Kit para a normalización en rede
    • Proxector
    • Queremos Galego
    • Eu.gal: Por un dominio galego