CTNL

Actualmente non ten instalado ou necesita actualizar o plugin Flash Player necesario para visualizar correctamente esta web
pode descargalo na siguiente dirección.
Obtener Flash

A CTNL formámola... A CTNL formámola...
Recursos na rede Recursos na rede

CTNL


5240 votos
Votar | | | |


23-04-2019

Quen cres que pode contarnos ideas, propostas e experiencias para o futuro da lingua? Proponnos participantes para o LGx15 2019!

LGx15
Parece que falta moito tempo, pero na CTNL xa comezamos a organizar a edición deste ano do LGx15. Ideas para o futuro da lingua e queremos saber a túa opinión para decidirmos o programa. Quen queres ver e escoitar no escenario do LGx15 de 2019? Envíanos as túas propostas ata o 24 de maio a info@ctnl.gal e terémolas en conta para deseñar o programa definitivo.



En novembro temos unha nova cita co LGx15, o evento que organizamos desde a CTNL para transmitir dunha maneira visual, entretida e divertida ideas, argumentos e consellos para influír nas actitudes e na conciencia lingüística. Este ano chegamos á quinta edición grazas a ti, que asistiches a algún dos espectáculos anteriores ou compartiches nas redes ou nas aulas as ideas, experiencias e propostas das 35 persoas que subiron ao escenario do LGx15 2015, 2016, 2017 e 2018.

Coma o ano pasado, queremos coñecer a túa opinión desde xa, desde o momento de comezarmos a organizar a nova edición. Como nos podes dar ideas? Suxeríndonos persoas que, segundo o teu criterio, poderían subir ao escenario do LGx15 e contarnos as súas propostas, reflexións e argumentos para influír no futuro do uso e prestixio do galego e/ou nas actitudes e comportamentos lingüísticos.


Como propor persoas para participar no LGx15 2019?

É moi sinxelo. Só cómpre enviares unha mensaxe de correo electrónico a info@ctnl.gal coa seguinte información:

- O nome e apelidos da persoa/s que nos suxires para intervir no LGx15
- O tema ou os temas que cres que podería/n abordar


É necesario contactar coa/s persoa/s que queres suxerir antes de enviares a súa candidatura?

Non é necesario. Será a organización do LGx15 a que se porá en contacto coas persoas escollidas para convidalas a intervir no evento deste ano.

Que prazo hai para enviar propostas?

Para podermos ter en conta as túas propostas no programa deste ano, é necesario que nolas fagas chegar ata o 24 de maio.


Que ocorrerá coas propostas enviadas?

O equipo de traballo do LGx15 teraas en conta para elaborar o programa definitivo da edición deste ano, de acordo con criterios de variedade, orixinalidade ou interese de temas.

Entón? Axúdasnos a programar o LGx15 coas túas suxestións?

Utiliza a nova

Enviar por Email  Enviar nova
Redes sociais  Chuza! Meneame del.icio.us digg Fresqui

Comentarios


Hemeroteca:  2007 2008 2009 2010 2011 2012 2013 2014 2015 2016 2017 2018 2019 2020 2021 2022 2023 2024

Avisos

    mes anterior
    Marzo de 2024
    mes seguinte
    Calendario da axenda de Artezanía de Galicia
    L M M X V S D
            1 2 3
    4 5 6 7 8 9 10
    11 12 13 14 15 16 17
    18 19 20 21 22 23 24
    25 26 27 28 29 30 31
    Próximos eventos

      • Asociate á CTNL
      • Agasallo. Propostas de regalos en galego
      • LGx15
      • Premios Mil Primaveras
      • Viveiro de propostas normalizadoras
      • En defensa do traballo xusto e ilusionante dos SNL
      • Envianos
      • Canles de novas da CTNL
      • Facebook da CTNL
      • Twitter da CTNL
      • Instagram da CTNL
      • Kit para a normalización en rede
      • Proxector
      • Queremos Galego
      • Eu.gal: Por un dominio galego