CTNL

Actualmente non ten instalado ou necesita actualizar o plugin Flash Player necesario para visualizar correctamente esta web
pode descargalo na siguiente dirección.
Obtener Flash

A CTNL formámola... A CTNL formámola...
Recursos na rede Recursos na rede

Convocatorias


46 votos
Votar | | | |


10-06-2019

Praza de tradutor/a na Deputación de Ourense como persoal funcionario interino

Deputación Provincial de Ourense
A Deputación Provincial de Ourense publicou no BOP de hoxe a convocatoria urxente dunha praza de tradutor/a de lingua galega como persoal funcionario interino. O sistema de selección será o concurso-oposición e o prazo de inscrición está aberto até o 17 de xuño.




No BOP de Ourense do 10 de xuño de 2019, a Deputación Provincial anuncia a convocatoria dunha praza de tradutor/a de lingua galega (subgrupo A1) en réxime de interinidade.

TITULACIÓN REQUIRIDA

Licenciatura ou grao en filoloxía galega, filoloxía hispánica (subsección de galego-portugués), filosofía e letras (sección filoloxía hispánica, subsección galego-portugués), grao en ciencias da linguaxe e estudos literarios (galego e español), estudos de galego e español, galego e portugués: estudos lingüístico e literarios, lingua e literatura galegas, licenciatura ou grao en tradución e interpretación ou titulacións equivalentes.

TIPO DE CONTRATO E DURACIÓN

O contrato sera na modalidade de persoal funcionario interino polo tempo necesario ata a cobertura definitiva do posto de traballo.

SISTEMA DE SELECCIÓN

A selección farase mediante concurso-oposición.

Fase de concurso

A fase de concurso será previa á de oposición, non terá carácter eliminatorio e non poderá supor máis do 40% do total da puntuación. Valorarase:

a) servizos prestados na mesma ou análoga categoría (puntuarase ata un máximo de seis puntos)
b) cursos realizados relacionados coas funcións do posto (puntuarase ata un máximo de catro puntos)

A puntuación máxima na fase de concurso será de 10 puntos.

Fase de oposición: proba práctica

A proba práctica estará relacionada de xeito directo cos cometidos propios do posto de tradutor/a de lingua galega, así como co temario previsto no anexo III das bases.

A puntuación máxima que se pode outorgar á proba práctica será de 20 puntos e será necesario acadar 10 puntos para superala.

FUNCIÓNS DA PRAZA

Con carácter xeral, as funcións da praza son as seguintes:

a) Realizar traducións do castelán ao galego ou á inversa en toda clase de documentos, en especial nos de maior complexidade lingüística.

b) Elaborar pregos e valoración das ofertas correspondentes á súa área de traballo.

c) Colaborar na organización dos respectivos servizos.

d) Prestar asesoramento, no eido das súas competencias e capacitación profesional, cando así sexa requirido dende as diferentes áreas ou servizos.

e) Asistir ás diferentes comisións ou reunións con outras institucións e/ou entidades privadas, relacionadas co seu ámbito de traballo.

f) Formar parte das mesas de contratación e dos procesos selectivos relacionados co seu ámbito de traballo.

g) Emisión de informes, dentro do seu eido competencial e profesional.

h) Calquera outra, propia da súa capacitación profesional, e vinculada co eido competencial en que se integra.

LUGAR E PRAZO DE PRESENTACIÓN DE INSTANCIAS

O prazo será de 7 días naturais a partir do seguinte ao da publicación da convocatoria no Boletín Oficial da Provincia, é dicir, até o 17 de xuño.

As instancias poden presentarse de acordo con dúas modalidades:

a) De forma presencial, mediante a presentación en papel da solicitude e da documentación anexa na Oficina de Asistencia ao Cidadán en materia de Rexistro da Deputación Provincial de Ourense ou en calquera dos lugares previstos no artigo 38.4 da Lei 30/1992, do 26 de novembro (norma que se estima vixente de acordo co establecido na disposición derrogatoria única en relación coa disposición final 7.ª da Lei 39/2015, do 1 de outubro, de procedemento administrativo común das administracións públicas). Neste último caso, a Deputación solicita que se envíe copia da instancia ao número de fax 988385184.

b) De forma telemática, a través do Rexistro Electrónico Xeral da sede electrónica da Deputación Provincial, https://sede.depourense.es

Coa instancia (modelo normalizado que se inclúe na convocatoria e que está dispoñible no portal web corporativo da Deputación de Ourense) achegaranse os documentos acreditativos dos méritos a que fai referencia a base sétima da convocatoria (baremo de méritos) e o xustificante de pagamento da taxa de participación no proceso selectivo.

TAXAS

A taxa de participación neste proceso selectivo será de 19,00 €.

MÁIS INFORMACIÓN

Convocatoria e bases de selección en .pdf. (pp. 2-8)

Utiliza a nova

Enviar por Email  Enviar nova
Redes sociais  Chuza! Meneame del.icio.us digg Fresqui

Comentarios


Hemeroteca:  2007 2008 2009 2010 2011 2012 2013 2014 2015 2016 2017 2018 2019

Avisos

    mes anterior
    Xuño de 2019
    mes seguinte
    Calendario da axenda de Artezanía de Galicia
    L M M X V S D
              1 2
    3 4 5 6 7 8 9
    10 11 12 13 14 15 16
    17 18 19 20 21 22 23
    24 25 26 27 28 29 30
    Próximos eventos

    • Agasallo. Propostas de regalos en galego
    • Asociate á CTNL
    • Gústame... o galego
    • Viveiro de propostas normalizadoras
    • Proposta para a mellora da planificación e xestión dos Celga
    • Traballarmos en dinamización lingüística | Isa Vaquero
    • En defensa do traballo xusto e ilusionante dos SNL
    • Axenda da lingua
    • Envianos
    • Canles de novas da CTNL
    • Facebook da CTNL
    • Kit para a normalización da lingua
    • Queremos Galego
    • Eu.gal: Por un dominio galego