CTNL

Actualmente non ten instalado ou necesita actualizar o plugin Flash Player necesario para visualizar correctamente esta web
pode descargalo na siguiente dirección.
Obtener Flash

A CTNL formámola... A CTNL formámola...
Recursos na rede Recursos na rede

Formación


52 votos
Votar | | | |


10-10-2019

Simposio ILG 2019. Lingua, patrimonio e coñecemento tradicional

Simposio ILG 2019
Os días 5, 6 e 7 de novembro, en horario de tarde, terá lugar no Salón de Graos da Facultade de Filoloxía da USC o Simposio ILG 2019, que nesta edición abordará a relación entre a lingua, o patrimonio e o coñecemento tradicional. A inscrición está aberta ata o 21 de outubro para o profesorado e ata o 27 de outubro para o resto de asistentes.


O Simposio ILG 2019 Lingua, patrimonio e coñecemento tradicional ten por obxectivo xeral poñer en valor o patrimonio inmaterial e sensibilizar arredor da necesidade da súa recollida, protección, promoción e desenvolvemento, con especial atención ao patrimonio da Eurorrexión Galicia-Norte de Portugal. Con este marco de fondo, o encontro organízase en tres xornadas con cadanseu foco temático.

A finalidade da primeira xornada é facilitar principios metodolóxicos básicos, desde o punto de vista da antropoloxía cultural e da dialectoloxía, para unha recolleita adecuada do patrimonio inmaterial. Na segunda xornada preténdese mostrar o valor dos datos lingüísticos e presentar unha nova ferramenta para o estudo da variación dialectal, poñendo o foco no léxico de Galicia e do norte de Portugal. Finalmente, a terceira xornada estará dedicada á presentación de proxectos vinculados coa recolleita de léxico e concibidos para o ámbito do ensino non universitario.

O Instituto da Lingua Galega, entidade organizadora, pretende que o simposio sexa un lugar de encontro de investigadores, docentes e estudantes ao redor do patrimonio inmaterial, un punto de confluencia de disciplinas, enfoques e intereses diversos que sirva para ampliar a nosa mirada, crear sinerxías e promover novos proxectos ao redor da riqueza léxica e cultural da Eurorrexión Galicia-Norte de Portugal.

O Simposio ILG 2019 está organizado polo Instituto da Lingua Galega en colaboración co Consello da Cultura Galega. Nesta edición, ademais, forma parte da oferta formativa do Centro Autonómico de Formación e Innovación (CAFI) da Consellería de Educación, Universidade e Formación Profesional para o curso académico 2019/2020.

INSCRICIÓN

Prevénse dúas modalidades de inscrición con diferentes prazos:

- Dado que esta actividade forma parte da oferta formativa do CAFI para o curso académico 2019/2020, o profesorado dos centros públicos e concertados que desexe asistir ao simposio terá que efectuar a inscrición, ata o 21 de outubro, a través desta ligazón (ref. G1902011).

- O resto de asistentes poderán formalizar a inscrición cubrindo este formulario. O prazo de inscrición para non docentes remata o día 27 de outubro.

HORARIO, DATAS E LUGAR DE CELEBRACIÓN

O Simposio ILG 2019 terá lugar os días 5, 6 e 7 de novembro, a partir das 18.00 h (a partir das 17.30 o primeiro día), no Salón de Graos da Facultade de Filoloxía da USC (Avda. Castelao, s/n, Campus Norte).

Programa e máis información aquí.

Utiliza a nova

Enviar por Email  Enviar nova
Redes sociais  Chuza! Meneame del.icio.us digg Fresqui

Comentarios


Hemeroteca:  2007 2008 2009 2010 2011 2012 2013 2014 2015 2016 2017 2018 2019

Avisos

    mes anterior
    Decembro de 2019
    mes seguinte
    Calendario da axenda de Artezanía de Galicia
    L M M X V S D
                1
    2 3 4 5 6 7 8
    9 10 11 12 13 14 15
    16 17 18 19 20 21 22
    23 24 25 26 27 28 29
    30 31      
    Próximos eventos

    • Agasallo. Propostas de regalos en galego
    • Asociate á CTNL
    • Gústame... o galego
    • Viveiro de propostas normalizadoras
    • Proposta para a mellora da planificación e xestión dos Celga
    • Traballarmos en dinamización lingüística | Isa Vaquero
    • En defensa do traballo xusto e ilusionante dos SNL
    • Axenda da lingua
    • Envianos
    • Canles de novas da CTNL
    • Facebook da CTNL
    • Kit para a normalización da lingua
    • Queremos Galego
    • Eu.gal: Por un dominio galego