Formación

05-03-2020

A integración lingüística como ferramenta de cohesión social, a análise nos XXII Encontros para a normalización lingüística

Esta edición dos Encontros para a Normalización Lingüística centrarase nas persoas e nos colectivos non galegofalantes de orixe, dado que a integración lingüística é un factor indispensable para a cohesión social. Unha integración que non será posible se non se ofrecen recursos axeitados nin se habilitan medios para que os non falantes dean adquirido a competencia necesaria na lingua propia de Galicia.

Os Encontros inclúen análise da situación, estudo de necesidades, e presentación e difusión de iniciativas, experiencias e propostas de dentro e de fóra de Galicia.

Datas: as datas iniciais eran o 16 e o 17 de abril, pero adíanse para o 1 e o 2 de outubro
Lugar: Pazo de Raxoi, 2º, praza do Obradoiro, s/n, Santiago de Compostela
Inscrición: gratuíta; abrirase un novo prazo de inscrición no momento oportuno. O número de prazas está limitado a 100, que se cubrirán por orde de inscrición.

PROGRAMA

Primeira sesión de tarde

16:30 horas. Inauguración

16:45 horas. Relatorios:
Inmigración e lingua(s): o debate da diversidade como riqueza cultural
- Belén Fernández Suárez, Universidade da Coruña
- Vicent Climent-Ferrando, Universitat Pompeu Fabra

18:15 horas. Pausa

18:45 horas. Mesa de traballo
Que linguas queren aprender as persoas migrantes?
- Juan Redondo, Cruz Vermella Galicia
- Isabel Ozores, Concello de Lugo
- Tamara Balboa, Centro de Desenvolvemento Rural Portas Abertas

19:45 horas. Remate da sesión

Primeira sesión de mañá

10:00 horas. Mesa de experiencias
Integrarmos o colectivo inmigrante desde o sistema educativo
- Valentina Formoso, IES do Milladoiro. Programa de adquisición de linguas
- Bernardo Penabade, IES Perdouro. Modelo Burela
- Loli Castiñeira, Concello de Salceda de Caselas. Programa de apoio lingüístico

11:00 horas. Mesa de experiencias
Integrarmos o colectivo inmigrante desde os servizos de normalización lingüística
- Leonardo Pena, Servizo de Atención ao Inmigrante do Concello de Ames. En galego, co teu acento
- Concha Diéguez, Reverso Comunicación. En galego tamén noutros mundos
- Isabel Vaquero. SNL da Universidade de Santiago de Compostela. Cambia a túa mirada

12:00 horas. Pausa

12:30 horas. Mesa de experiencias
Inmigración e acollida lingüística en Euskadi e Cataluña
- Ángels Guerrero, Servei de Recursos Lingüístics, DGPL, Generalitat de Catalunya. Acollida lingüística da poboación inmigrante adulta
- Miren Biotza Piko, Berritzegune de Vitoria-Gasteiz, Departamento de Educación, Goberno Vasco. Acollida no sistema educativo non universitario

13:45 horas. Remate da sesión

Segunda sesión de tarde

16:00 horas. Relatorio
A formación de adultos en galego como ferramenta de integración social: o sistema Celga
- Xaquín Núñez Sabarís, Universidade do Minho
- Manuel Núñez Singala, SNL da Universidade de Santiago de Compostela

17:00 horas. Mesa de debate
Propostas de aproveitamento dos cursos Celga para o acollemento e a cohesión social
- María López, profesora dos cursos Celga
- Rosa Moreiras, SNL do Concello de Ames
- Olga López, Secretaría Xeral de Política Lingüística, Xunta de Galicia

18:30 horas. Actuación de Soledad Felloza

19:00 horas. Conclusións e clausura

Coma en anos anteriores, haberá un grupo de Facebook sobre estes Encontros, que permitirá compartir información e iniciar o debate antes das sesións presenciais. Animámosvos a unirvos ao grupo e participar nos debates, propor ideas, dúbidas, etc.

Programa en .pdf e máis información no web do CDSG.