Convocatorias

19-08-2020

URXENTE! Convocatoria dunha bolsa de emprego de técnico/a de normalización lingüística no Concello de Sada

O Concello de Sada publicou no BOP de hoxe a convocatoria dun proceso selectivo para a confección dunha bolsa de emprego para a posible contratación dun/dunha técnico/a de normalización lingüística.

VIXENCIA DA BOLSA DE EMPREGO

A bolsa de emprego que se cree a partir desta convocatoria terá unha vixencia de tres anos prorrogables por outros tres, dende a súa aprobación por resolución da Alcaldía.

CARACTERÍSTICAS DA PRAZA

A bolsa confecciónase para a contratación dun/dunha técnico/a de normalización lingüística no grupo A1, que corresponderá á escala de Administración especial, subescala técnica, clase técnico/a superior. A relación xurídica será de persoal laboral temporal ou persoal funcionario interino/a.

TITULACIÓN REQUIRIDA

Para participar neste proceso selectivo, cómpre ter algunha das seguintes titulacións:
- Licenciatura en Filoloxía Galego-Portuguesa ou equivalente
- Licenciatura en Filoloxía Galega ou equivalente
- Licenciatura en Filoloxía Hispánica (subsección Galego-Portugués) ou equivalente
- Grao en Lingua Galega ou equivalente
- Calquera outra licenciatura ou grao sempre que se dispoña do Celga 5

SISTEMA SELECTIVO

De conformidade co previsto nas bases xerais aprobadas polo Concello de Sada (BOP da Coruña do 5 de febreiro de 2020), o sistema selectivo será o de oposición.

PROCESO SELECTIVO

A oposición consistirá en dous exercicios de carácter obrigatorio e eliminatorio:

O primeiro exercicio será teórico: consistirá nun cuestionario de 20 preguntas con catro preguntas alternativas, baseado no temario completo (parte xeral publicada nas bases xerais e parte específica publicada nas bases específicas). A puntuación máxima deste exercicio será de 20 puntos.

O segundo exercicio será práctico: consistirá na realización dun suposto práctico relacionado coas materias específicas do temario. A puntuación máxima deste exercicio será de 30 puntos.

SOLICITUDE DE PARTICIPACIÓN, TAXAS E PRAZO

A solicitude axustaranse ao modelo que está á disposición das persoas candidatas na seguinte ligazón (sección "varios"). Coa solicitude de participación achegarase a documentación sinalada na base cuarta das bases xerais.

De acordo coa base quinta das bases xerais, os dereitos de exame son de 25 euros (grupo A, subgrupo A1).

O prazo de presentación de solicitudes é de tres días hábiles, que se contarán a partir do seguinte ao da publicación da convocatoria no BOP. Polo tanto, o prazo finaliza o 24 de agosto.

Máis información nos seguintes documentos e na sede electrónica do Concello de Sada:

- Convocatoria, en .pdf (BOP da Coruña do 19 de agosto de 2020)
- Bases xerais, en pdf (BOP da Coruña do 5 de febreiro de 2020)
- Bases específicas, en pdf (publicadas na sede electrónica do Concello de Sada o 19 de agosto de 2020)