CTNL

Actualmente non ten instalado ou necesita actualizar o plugin Flash Player necesario para visualizar correctamente esta web
pode descargalo na siguiente dirección.
Obtener Flash

A CTNL formámola... A CTNL formámola...
Recursos na rede Recursos na rede

CTNL


5792 votos
Votar | | | |


07-02-2021

O 6 de marzo, asembleas extraordinaria e ordinaria da CTNL

Asembleas da CTNL
A CTNL convoca os/as seus/súas socios/as a dúas asembleas que terán lugar en liña na mañá do sábado 6 de marzo. A primeira convocatoria é para unha asemblea extraordinaria, por ser preciso modificar un detalle dos estatutos. A segunda é para a asemblea xeral ordinaria anual, onde se acordará o traballo para este 2021.


ASEMBLEA XERAL EXTRAORDINARIA

De acordo cos Estatutos da CTNL, é competencia da Asemblea Extraordinaria (artigo 15) aprobar a modificación do texto que regula a asociación. Dado que é necesario modificar o artigo 4 por mor dun cambio no domicilio social, convócase unha asemblea xeral extraordinaria.

- Día: sábado 6 de marzo de 2021
- Hora: primeira convocatoria ás 10.00 h e segunda convocatoria ás 10.30 h
- Lugar: en liña, a través da plataforma Jitsi Meet

Orde do día:

1. Modificación do artigo 4 dos Estatutos por cambio de domicilio social. [Proposta de modificación dos Estatutos da CTNL]


ASEMBLEA XERAL ORDINARIA

De acordo tamén cos Estatutos da CTNL, a asemblea xeral ordinaria anual terá lugar no prazo de tres meses tras o peche do exercicio anterior (artigo 18):

- Día: sábado 6 de marzo de 2021
- Hora: primeira convocatoria ás 10.15 h e segunda convocatoria ás 10.45 h
- Lugar: en liña, a través da plataforma Jitsi Meet

Orde do día:

1. Lectura e aprobación da acta da asemblea anterior [Acta da Asemblea Xeral ordinaria do 7 de marzo de 2020]
2. Admisión de novas/os socias/os e ratificación de baixas
3. Exposición, debate e aprobación do informe de xestión [Informe de xestión 2020-2021]
4. Exposición, debate e aprobación do informe de contas [Informe económico 2020-2021]
5. Exposición, debate e aprobación do plan de acción para o próximo exercicio e 25 aniversario da CTNL [Proposta de liñas de acción para 2021-2022]
6. Presentación e aprobación do orzamento para o vindeiro exercicio [Previsións orzamentarias para 2021]
7. Rolda aberta de intervencións

DOCUMENTACIÓN PARA A ASEMBLEA

Para preparar mellor as achegas e propostas das/dos participantes na asemblea e así facermos entre todas e todos una asemblea máis áxil, dinámica, participativa e produtiva, unha semana antes da asemblea poderá consultarse no web a documentación necesaria.

As/Os socias/os poden remitir ao enderezo electrónico info@ctnl.gal todas as ideas e propostas que teñan e que crean que a CTNL pode desenvolver, alén de presentar propostas, suxestións e ideas na propia asemblea.

ASEMBLEAS EN LIÑA

A causa da situación sanitaria e coas restricións de mobilidade en vigor na actualidade, vémonos na obriga a realizar as asembleas en liña. Empregaremos para isto a plataforma gratuíta e de código aberto Jitsi Meet, que se pode empregar vía web sen inscrición ou descargarse de balde en dispositivos móbiles.

Co fin de xestionar o mellor posible ambas as asembleas imos pedirche varias cousas:

1. É necesario que te anotes como asistente ás asembleas enviando unha mensaxe de correo electrónico a info@ctnl.gal. Deberás indicar o teu nome e o enderezo de correo electrónico onde queres recibir a ligazón para acceder á asemblea. Agradecémosche que te inscribas até o 1 de marzo.

2. Cando accedas á plataforma, procura pór un nome que te identifique, para que poidamos recoñecerte mesmo se non funciona a cámara ou non a queres activar.

3. Durante as asembleas, cando non esteas a falar, procura ter o micro apagado para que non haxa interferencias. Para pedir a palabra podes empregar a ferramenta de erguer a man.

4. As votacións faranse preferentemente a través do chat dispoñible na plataforma.

5. Para que, aínda que poida haber algún problema técnico, todas as túas propostas cheguen sen problema á asemblea e á directiva, procura envialas con antelación por escrito a info@ctnl.gal; farémosllas chegar a todas as persoas inscritas para que poidan telas en conta.


Convocatoria completa, en .pdf

Utiliza a nova

Enviar por Email  Enviar nova
Redes sociais  Chuza! Meneame del.icio.us digg Fresqui

Comentarios


Hemeroteca:  2007 2008 2009 2010 2011 2012 2013 2014 2015 2016 2017 2018 2019 2020 2021 2022 2023 2024

Avisos

    mes anterior
    Novembro de 2022
    mes seguinte
    Calendario da axenda de Artezanía de Galicia
    L M M X V S D
      1 2 3 4 5 6
    7 8 9 10 11 12 13
    14 15 16 17 18 19 20
    21 22 23 24 25 26 27
    28 29 30     
    Próximos eventos

    • Asociate á CTNL
    • Agasallo. Propostas de regalos en galego
    • LGx15
    • Premios Mil Primaveras
    • Viveiro de propostas normalizadoras
    • En defensa do traballo xusto e ilusionante dos SNL
    • Envianos
    • Canles de novas da CTNL
    • Facebook da CTNL
    • Twitter da CTNL
    • Instagram da CTNL
    • Kit para a normalización en rede
    • Proxector
    • Queremos Galego
    • Eu.gal: Por un dominio galego