CTNL

Actualmente non ten instalado ou necesita actualizar o plugin Flash Player necesario para visualizar correctamente esta web
pode descargalo na siguiente dirección.
Obtener Flash

A CTNL formámola... A CTNL formámola...
Recursos na rede Recursos na rede

Convocatorias


4300 votos
Votar | | | |


23-02-2021

Convocatoria de axudas da Deputación de Pontevedra para a creación, o mantemento ou o reforzo de SNL nas entidades locais da provincia

Deputación Provincial de Pontevedra
No Boletín Oficial da Provincia de Pontevedra de hoxe publicáronse as Bases de subvencións para a creación, mantemento e reforzo de SNL dirixidas aos concellos e outras entidades locais da provincia de Pontevedra para o ano 2021. No mesmo BOP publicouse o extracto correspondente a esta convocatoria, que marca a data límite para presentar as solicitudes: até o 12 de marzo.


A Deputación Provincial de Pontevedra convoca no BOP de hoxe, 23 de febreiro, o programa anual de axudas para a creación, o mantemento e o reforzo de servizos de normalización lingüística nas entidades locais.

MODALIDADES DE AXUDAS

A convocatoria establece tres modalidades de axudas:

- creación de novos servizos de normalización lingüística

- mantemento de servizos de normalización lingüística xa existentes

- reforzo de servizos de normalización lingüística xa existentes.

ENTIDADES BENEFICIARIAS

- Para a creación de SNL: concellos da provincia de Pontevedra de entre 5.000 e 50.000 habitantes ou ben as agrupacións de concellos, mancomunidades ou entidades locais menores da provincia que, en conxunto, cheguen a 5.000 habitantes.

- Para o mantemento de SNL: concellos da provincia de Pontevedra que no momento da publicación desta convocatoria teñan creado e en funcionamento un SNL.

- Para o reforzo de SNL: concellos que conten con SNL e queiran melloralo contratando persoal a maiores ou incrementando a xornada existente.

PERFIL TÉCNICO E FUNCIÓNS DOS SNL

A Deputación Provincial de Pontevedra detalla na convocatoria os requisitos de titulación dos técnicos/as de normalización lingüística e publica unha relación pormenorizada das funcións que debe desenvolver un servizo de normalización lingüística (base segunda da convocatoria).

ORZAMENTO E CONTÍA MÁXIMA DAS AXUDAS

O orzamento total das axudas será de 200.000 euros.

Cando o beneficiario sexa un concello ou entidade local a Deputación contribuirá, no exercicio 2021, cun importe máximo de 20.000 euros para contratación do persoal técnico a xornada completa. Se o contrato é de media xornada, o importe máximo será de 10.000 euros e, se a xornada é inferior, o importe reducirase proporcionalmente.

No caso de que a axuda se solicite para a creación, mantemento ou reforzo do SNL dunha agrupación de concellos o importe máximo da axuda será de 25.000 euros por xornada completa e 12.500 euros por media xornada. Noutros tipos de xornada, sen que poida nunca ser inferior á media xornada, o importe reducirase proporcionalmente.

Se o orzamento total de 200.000 euros non for suficiente debido a un número elevado de solicitudes, o órgano concedente prorrateará entre as entidades beneficiarias da subvención o importe global máximo destinado ás subvencións.

PRAZO E MODALIDADE DE PRESENTACIÓN DE SOLICITUDES

O prazo de presentación de solicitudes comeza o día seguinte ao da publicación do extracto da convocatoria, é dicir, o 24 de febreiro e finaliza o 12 de marzo de 2021.

As solicitudes presentaranse obrigatoriamente por medios electrónicos a través do formulario normalizado dispoñible na Sede electrónica da Deputación de Pontevedra.

PRAZO DE XUSTIFICACIÓN DAS AXUDAS

De acordo coas bases e co extracto da convocatoria, o prazo de xustificación das axudas remata o 28 de febreiro de 2022.

Bases en .pdf. (BOP do 23 de febreiro de 2021)

Extracto en .pdf. (BOP do 23 de febreiro de 2021)

ADDENDA

Resolución da convocatoria, en .pdf (BOP do 11 de agosto de 2021; inclúe tamén as resolucións das axudas para actividades de dinamización da lingua desenvolvidas por entidades locais e asociacións)


RECOMENDACIÓNS DA CTNL PARA A MELLORA DAS AXUDAS

Precisamente esta semana a CTNL dirixiuse á deputada de Normalización Lingüística e Servizos Lingüísticos para facerlle chegar unha análise das axudas do ano 2020 (tanto as destinadas a servizos de normalización lingüística como as dirixidas a actividades) e recomendacións de mellora para as axudas que se convoquen no futuro. Algunhas das recomendacións son:

- Publicación das convocatorias o máis axiña posible no ano en curso.

- Que nas axudas para actividades se subvencionen programas de normalización lingüística e non accións dispersas.

- É recomendable valorar no baremo das axudas a actividades a transversalidade dos programas, a súa duración, o número de actividades e mesmo se as entidades contan con SNL ou van crealo.

- Os ámbitos de traballo prioritarios deben ser a infancia e a mocidade, a economía, o comercio, as novas tecnoloxías, o lecer, o deporte…, en lugar de certames literarios, homenaxes, Día das Letras Galegas ou manifestacións culturais en galego.

En opinión da CTNL, o obxectivo dos dous tipos de axudas da Deputación Provincial de Pontevedra debe ser favorecer que o labor de promoción da lingua sexa continuado a través de estruturas técnicas de normalización lingüística nos concellos da provincia.

Na actualidade, só oito concellos da provincia teñen servizo de normalización lingüística e hai cinco comarcas sen servizo ningún. Até 17 concellos de máis de 10.000 habitantes cadrecen de departamento técnico de normalización lingüística. Estas carencias dificultan a creación dunha rede que permita traballar colaborativamente no ámbito provincial con moita máis eficiencia.

Informe dirixido á Deputación Provincial de Pontevedra, en pdf.

Utiliza a nova

Enviar por Email  Enviar nova
Redes sociais  Chuza! Meneame del.icio.us digg Fresqui

Comentarios


Hemeroteca:  2007 2008 2009 2010 2011 2012 2013 2014 2015 2016 2017 2018 2019 2020 2021 2022 2023 2024

Avisos

    mes anterior
    Marzo de 2024
    mes seguinte
    Calendario da axenda de Artezanía de Galicia
    L M M X V S D
            1 2 3
    4 5 6 7 8 9 10
    11 12 13 14 15 16 17
    18 19 20 21 22 23 24
    25 26 27 28 29 30 31
    Próximos eventos

    • Asociate á CTNL
    • Agasallo. Propostas de regalos en galego
    • LGx15
    • Premios Mil Primaveras
    • Viveiro de propostas normalizadoras
    • En defensa do traballo xusto e ilusionante dos SNL
    • Envianos
    • Canles de novas da CTNL
    • Facebook da CTNL
    • Twitter da CTNL
    • Instagram da CTNL
    • Kit para a normalización en rede
    • Proxector
    • Queremos Galego
    • Eu.gal: Por un dominio galego