CTNL

Actualmente non ten instalado ou necesita actualizar o plugin Flash Player necesario para visualizar correctamente esta web
pode descargalo na siguiente dirección.
Obtener Flash

A CTNL formámola... A CTNL formámola...
Recursos na rede Recursos na rede

Convocatorias


265 votos
Votar | | | |


04-03-2021

Móvete, un concurso de vídeos para celebrar os 50 anos do ILG

Móvete
Neste 2021 o Instituto da Lingua Galega (ILG) conmemora o seu 50 aniversario. Para celebralo organiza o concurso de vídeo Móvete, destinado ao estudantado dos institutos galegos e das zonas de fala galega fóra de Galicia. O prazo de participación é do 1 de marzo ao 31 de maio de 2021.


O concurso Móvete créase cos obxectivos xerais de incentivar o uso do galego e dar a coñecer o ILG entre a xente nova.

PERSOAS DESTINATARIAS

O concurso Móvete está dirixido a alumnado que estea cursando 3º, 4º da ESO, 1º ou 2º de Bacharelato, un ciclo de FP básica ou de grao medio e permite participar en dúas modalidades: individual e en grupo. Neste último caso, deberá facerse baixo a dirección ou o asesoramento dun ou dunha docente, que será a persoa de contacto e responsable do proxecto.

COMO DEBEN SER OS VÍDEOS?

Os vídeos que se presenten a Móvete deberán ser inéditos e orixinais e non poderán superar os 2 minutos de duración nin os 300 MB de tamaño. Os temas que se propoñen para a creación de pezas audiovisuais son tres:

- Móvete co galego
- Conmóvete co galego
- Promove o galego

PREMIOS

O xurado elixirá un máximo de tres persoas e tres grupos finalistas por tema. Valorarase a calidade e orixinalidade da peza, así como o uso creativo das tecnoloxías e das ferramentas empregadas.

O premio para o mellor vídeo individual de cada tema consistirá nun teléfono móbil iPhone. O premio para o mellor vídeo en grupo de cada tema consistirá nunha videocámara. Os restantes finalistas recibirán un smartwatch (modalidade individual) e un lote de libros (modalidade de grupo).

É importante sinalar que os vídeos serán difundidos a través das contas de Instagram e Twitter do ILG e a través da súa canle de YouTube, de xeito que o vídeo que obteña unha maior puntuación de acordo coas interaccións a que dea lugar ao longo de todo o concurso (1 punto por gústame/favorito, 2 puntos por comentario e 5 puntos por rechouchío/compartido) tamén recibirá un premio, unha tableta.

COMO INSCRIBIR OS VÍDEOS?

Na páxina do concurso figura un formulario para inscribir as pezas a concurso. Nel deberá incluírse, entre outras informacións, un título ou un texto en galego dun máximo de 150 caracteres que acompañará o vídeo cando este sexa difundido. Tamén se require unha imaxe para anunciar o vídeo, un avance do vídeo alén do vídeo completo e diversa información de contacto e relacionada cos centros educativos.

Unha mesma persoa ou grupo pode participar con varios vídeos nun mesmo tema e así mesmo pode participar nun, en varios ou en todos os temas propostos. Deberá cubrirse un formulario por cada un dos vídeos enviados.

PRAZO

O prazo de participación está aberto do 1 de marzo ao 31 de maio de 2021.

Colaboran no concurso Móvete a Secretaría Xeral de Política Lingüística e Gadis.

Máis información na páxina do concurso, onde están as bases e a corrección destas.

Utiliza a nova

Enviar por Email  Enviar nova
Redes sociais  Chuza! Meneame del.icio.us digg Fresqui

Comentarios


Hemeroteca:  2007 2008 2009 2010 2011 2012 2013 2014 2015 2016 2017 2018 2019 2020 2021

Avisos

    mes anterior
    Xuño de 2021
    mes seguinte
    Calendario da axenda de Artezanía de Galicia
    L M M X V S D
      1 2 3 4 5 6
    7 8 9 10 11 12 13
    14 15 16 17 18 19 20
    21 22 23 24 25 26 27
    28 29 30     
    Próximos eventos

    • Asociate á CTNL
    • Agasallo. Propostas de regalos en galego
    • LGx15
    • Premios Mil Primaveras
    • Viveiro de propostas normalizadoras
    • Gústame... o galego
    • En defensa do traballo xusto e ilusionante dos SNL
    • Axenda da lingua
    • Envianos
    • Canles de novas da CTNL
    • Facebook da CTNL
    • Twitter da CTNL
    • Kit para a normalización en rede
    • Queremos Galego
    • Eu.gal: Por un dominio galego