Convocatorias

19-04-2021

Bases e convocatoria para unha bolsa de emprego de técnico/a de normalización lingüística no Concello de Arzúa

O Concello de Arzúa convoca un proceso selectivo para crear unha bolsa de emprego para o nomeamento de funcionarios/as interinos/as do grupo A1 como técnicos/as de normalización lingüística.

FUNCIÓNS DA PRAZA

Serán as propias dun/dunha técnico/a de normalización lingüística de acordo coas bases da convocatoria de axudas da Deputación Provincial da Coruña. Daquela, divídense en funcións xerais internas, de dinamización lingüística, de formación, de asesoramento interno e de coordinación con outras administracións.

REQUISITOS DE TITULACIÓN

- licenciatura en Filoloxía Galego-Portuguesa, Filoloxía Galega ou Filoloxía Hispánica (subsección Galego-Portugués)
- grao en Lingua e Literatura Galegas,
- outras titulacións de grao ou licenciatura sempre que se estea en posesión do certificado de lingua galega do nivel 5 (Celga 5)

SISTEMA DE SELECCIÓN

Aínda que na convocatoria publicada inicialmente se menciona un concurso-oposición, no BOP do 27 de abril publicouse unha corrección de erros das bases, onde se aclara que o proceso selectivo é unha oposición libre, que consistirá en dúas probas:

a) Proba teórica: consistirá en responder un cuestionario sobre o temario anexo; a proba terá 20 preguntas con catro respostas alternativas e deberá realizarse nun tempo máximo de 30 minutos. A cualificación máxima deste proba é de 20 puntos.

b) Proba práctica: consistirá en realizar un suposto práctico relacionado coas materias específicas do temario, con texto para traducir (sic) e preguntas prácticas. A cualificación máxima deste proba é de 30 puntos.

PRAZO

Será de 10 días naturais desde o día seguinte á publicación do anuncio da convocatoria no BOP. En consecuencia, o prazo está aberto até o 29 de abril.

DURACIÓN DA BOLSA DE EMPREGO

A bolsa de emprego terá unha validez de tres anos prorrogables por doce meses máis.

Bases completas, convocatoria, temario e modelo de solicitude, en .pdf (BOP do 19 de abril de 2021)

Corrección de erros, en .pdf (BOP do 27 de abril de 2021)