CTNL

Actualmente non ten instalado ou necesita actualizar o plugin Flash Player necesario para visualizar correctamente esta web
pode descargalo na siguiente dirección.
Obtener Flash

A CTNL formámola... A CTNL formámola...
Recursos na rede Recursos na rede

Formación


21 votos
Votar | | | |


14-07-2021

O Camiño de Santiago será o eixo temático da VI Xornada de Onomástica Galega

VI Xornada de Onomástica Galega
A Real Academia Galega, coa colaboración da Deputación de Pontevedra e o Museo de Pontevedra, organiza o 16 de outubro a VI Xornada de Onomástica Galega. Neste ano xacobeo estará dedicada á onomástica do Camiño de Santiago. A inscrición está aberta até o 14 de outubro.


O programa desta VI Xornada de Onomástica Galega incidirá no estudo dos nomes de lugares que atravesan as rutas que conforman o Camiño de Santiago da man de especialistas de distintas disciplinas.

A evolución dos nomes de Gallecia e Spania ao longo da Idade Media e os nomes literarios no Códice Calixtino, a presenza da onomástica de Santiago máis alá de Galicia ou a aplicación didáctica da toponimia do Camiño nas aulas son algúns dos aspectos que se tratarán nas intervencións previstas. A xornada rematará cunha mesa redonda en que se debaterá, dende distintas perspectivas, os estudos toponímicos do Camiño e a posibilidade de que Galicia se constitúa como centro dos estudos onomásticos en Europa.

PROGRAMA

SESIÓN DE MAÑÁ

10:00 h: inauguración

10:30 h: Regnante in Spania et in Gallecia. Evolución semántica dos dous corónimos ao longo da Idade Media, Anselmo López Caarreira (UNED-Ourense)

O topónimo Santiago no mundo

11:15 h: Santiago na onomástica da Península (topónimos, apelidos, nomes), Sandra Beis Silva (IES da Illa de Arousa)

11:45 h: O topónimo Santiago en América, Pilar Cagiao (Universidade de Santiago de Compostela)

12.30 h: descanso

Experiencias didácticas no ensino

13:00 h: A microtoponimia do Camiño. Experiencia didáctica no CEIP Agro do Muíño de Ames, Mª Carmen Liñares (CEIP Agro do Muíño)

13:30 h: Imos por Ames. Un percorrido didáctico polo Camiño Portugués en Ames, Xano Cebreiro (IES do Milladoiro)

14:00 h: debate

SESIÓN DE TARDE

16:30 h: Notas sobre a toponimia galaico-portuguesa do Códice Calixtino: urbs Adania, José María Anguita Jaén (Universidade de Santiago de Compostela)

17:00 h: Galicia como impulsora en Europa dos estudos toponímicos sobre o Camiño, mesa redonda moderada por Luz Méndez

- Valentín García Gómez, secretario xeral de Política Lingüística

- Eduardo López Pereira, membro da Academia Xacobea

- Cristina Sánchez Carretero, antropóloga, Sección de patrimonio do Consello da Cultura Galega

- Gonzalo Navaza, membro correspondente da Real Academia Galega

18:00 h: debate

18:30: clausura

As sesións desenvolveranse no Edificio Castelao do Museo de Pontevedra (rúa de P. Amoedo Carballo, 3, Pontevedra) e os relatorios tamén serán emitidos en directo a través de academia.gal

INSCRICIÓNS

A inscrición na xornada é gratuíta. Para asistir é necesario formalizala enviando un correo electrónico antes do 14 de outubro a publicacions@academia.gal onde figuren os seguintes datos:
- Nome e apelidos
- DNI
- Teléfono

Ao final da xornada entregarase un diploma de asistencia.

Máis información aquí.

Programa en .pdf

A Real Academia Galega e a Deputación de Pontevedra coorganizan dende 2016 as xornadas anuais do Seminario de Onomástica da RAG, que estiveron dedicadas en edicións anteriores á microtoponimia, aos nomes e apelidos, aos alcumes, aos nomes das rúas e aos nomes comerciais.

Utiliza a nova

Enviar por Email  Enviar nova
Redes sociais  Chuza! Meneame del.icio.us digg Fresqui

Comentarios


Hemeroteca:  2007 2008 2009 2010 2011 2012 2013 2014 2015 2016 2017 2018 2019 2020 2021

Avisos

    mes anterior
    Agosto de 2021
    mes seguinte
    Calendario da axenda de Artezanía de Galicia
    L M M X V S D
                1
    2 3 4 5 6 7 8
    9 10 11 12 13 14 15
    16 17 18 19 20 21 22
    23 24 25 26 27 28 29
    30 31      
    Próximos eventos

    • Asociate á CTNL
    • Agasallo. Propostas de regalos en galego
    • LGx15
    • Premios Mil Primaveras
    • Viveiro de propostas normalizadoras
    • Gústame... o galego
    • En defensa do traballo xusto e ilusionante dos SNL
    • Axenda da lingua
    • Envianos
    • Canles de novas da CTNL
    • Facebook da CTNL
    • Twitter da CTNL
    • Kit para a normalización en rede
    • Queremos Galego
    • Eu.gal: Por un dominio galego