CTNL

Actualmente non ten instalado ou necesita actualizar o plugin Flash Player necesario para visualizar correctamente esta web
pode descargalo na siguiente dirección.
Obtener Flash

A CTNL formámola... A CTNL formámola...
Recursos na rede Recursos na rede

CTNL


138 votos
Votar | | | |


07-12-2021

A CTNL presenta alegacións á modificación da RPT do Concello de Betanzos, que inclúe a praza de TNL como grupo II

Concello de Betanzos
O Concello de Betanzos anunciou no BOP do 18 de novembro a aprobación inicial da modificación da súa relación de postos de traballo. O cambio xa inclúe a praza de técnico/a de normalización lingüística, pero modifica o grupo de contratación. Polo tanto, a CTNL presentou alegacións co fin de que se inclúa a praza como grupo I na aprobación definitiva da RPT.


No BOP da Coruña do 18 de novembro de 2021, o Concello de Betanzos publicou o anuncio da aprobación inicial da modificación puntual da súa relación de postos de traballo.

Neste documento xa se inclúe a praza de técnico/a de normalización lingüística, o que supón un avance respecto da aprobación da RPT o ano pasado, mais modificando o grupo de contratación, que pasa do I de persoal laboral do posto actual ao grupo II do posto da RPT.

Tanto nos diversos cadros de persoal do concello publicados entre 2008 e 2021 como no Convenio colectivo do persoal laboral ao servizo do Concello de Betanzos figura este posto no grupo I. Sen esquecer que nas axudas para o mantemento de servizos de normalización lingüística que convocan a Xunta de Galicia e a Deputación Provincial da Coruña tamén se establece como requisito de contratación a pertenza ao grupo I ou A1.

Alén disto, entre as funcións para o posto de TNL que se recollen na proposta de modificación da RPT están tarefas obsoletas ou propias doutras categorías, en lugar de enumerar as propias do SNL que figuran no artigo 22 da Ordenanza para o impulso da lingua galega no Concello de Betanzos. Nas devanditas axudas para o mantemento de servizos de normalización lingüística da Xunta de Galicia e a Deputación Provincial da Coruña tamén se establecen as mesmas funcións, que podemos considerar consolidadas e asumidas para este tipo de departamentos.

Desde a CTNL consideramos que non hai motivo ningún para modificar o grupo de contratación, decisión que degrada tanto o posto de traballo coma o labor técnico de promoción da lingua, e ademais pode ter consecuencias negativas á hora de recibir axudas do Goberno autonómico e do Goberno provincial para o mantemento do SNL, pois o Concello de Betanzos pasaría a incumprir os requisitos de contratación que establecen estas convocatorias.

A CTNL solicítalle ao Concello de Betanzos que corrixa a modificación da RPT do seguinte xeito:

1. Que denomine a praza como “técnico/a de normalización lingüística”.
2. Que a clasifique no grupo I de persoal laboral e requira como titulación necesaria un título universitario de grao ou unha licenciatura.
3. Que estableza como funcións da praza as que figuran na Ordenanza para o impulso da lingua galega no Concello de Betanzos.

DOCUMENTACIÓN

Anuncio no BOP do 18 de novembro de 2021, en .pdf


Certificado do acordo de modificación da RPT, en .pdf

Documento da modificación puntual da RPT, en .pdf

Escrito de alegacións dirixido ao Concello de Betanzos, en .pdf

Utiliza a nova

Enviar por Email  Enviar nova
Redes sociais  Chuza! Meneame del.icio.us digg Fresqui

Comentarios


Hemeroteca:  2007 2008 2009 2010 2011 2012 2013 2014 2015 2016 2017 2018 2019 2020 2021 2022

Avisos

    mes anterior
    Febreiro de 2022
    mes seguinte
    Calendario da axenda de Artezanía de Galicia
    L M M X V S D
      1 2 3 4 5 6
    7 8 9 10 11 12 13
    14 15 16 17 18 19 20
    21 22 23 24 25 26 27
    28       
    Próximos eventos

    • Asociate á CTNL
    • Agasallo. Propostas de regalos en galego
    • LGx15
    • Premios Mil Primaveras
    • Viveiro de propostas normalizadoras
    • Gústame... o galego
    • En defensa do traballo xusto e ilusionante dos SNL
    • Axenda da lingua
    • Envianos
    • Canles de novas da CTNL
    • Facebook da CTNL
    • Twitter da CTNL
    • Kit para a normalización en rede
    • Queremos Galego
    • Eu.gal: Por un dominio galego