Formación

03-06-2022

Xornada Aquí medra a lingua. Experiencias de dinamización do galego no ensino

O luns 13 de xuño, en sesión de tarde, o Consello da Cultura Galega organiza a xornada "Aquí medra a lingua. Experiencias de dinamización do galego no ensino", con dous obxectivos:

- Presentar o documental producido a partir da serie de audiovisuais co mesmo nome sobre seis proxectos de centros escolares de Galicia

- Reflexionar sobre prácticas, metodoloxías e formas de avanzar na normalización lingüística desde o ámbito educativo.

A inscrición para a xornada, que é gratuíta, xa está aberta e as prazas son limitadas.

Programa da xornada

17:00 horas: presentación
Rosario Álvarez, presidenta do Consello da Cultura Galega
Carmen García Mateo, coordinadora da Sección de Lingua, Literatura e Comunicación do CCG
Cristina de la Torre, realizadora audiovisual

17:15 horas: A normalización lingüística nos centros de ensino
Pilar Ponte, profesora e experta en dinamización lingüística

17:45 horas: proxección do documental Aquí medra a lingua

18:15 horas: coloquio con integrantes da comunidade educativa dos centros participantes
Modera: Esther Estévez, xornalista
- Sara Varela, profesora do CRA Nosa Señora do Faro, Ponteceso
- Sonia Lamas, ANPA do CEIP Barouta, Ames
- Belén Escariz, directora do CEIP Quintela, Moaña
- Alejandro Fernández, exalumno do CPI Virxe da Saleta, Cea
- Miruca Parga, profesora do IES Perdouro, Burela
- Sofía Rama, profesora do IES Félix Muriel, Rianxo

19:30 horas: peche da xornada

Inscrición e máis información aquí.