CTNL

Actualmente non ten instalado ou necesita actualizar o plugin Flash Player necesario para visualizar correctamente esta web
pode descargalo na siguiente dirección.
Obtener Flash

A CTNL formámola... A CTNL formámola...
Recursos na rede Recursos na rede

Formación


1947 votos
Votar | | | |


13-06-2022

Tecnoloxías da linguaxe: as linguas na sociedade e na economía dixitais, curso de verán da USC

Curso Tecnoloxías da linguaxe
No marco das actividades de formación e diseminación do Proxecto Nós, e co obxectivo de divulgar as múltiples oportunidades que ofrecen as tecnoloxías da linguaxe, o ILG e o CiTIUS organizan o curso de verán titulado Tecnoloxías da Linguaxe: as linguas na sociedade e economía dixitais, que terá lugar na Escola Técnica Superior de Enxeñaría da Universidade de Santiago de Compostela entre o 12 e o 15 de xullo.


O obxectivo principal do curso é difundir as múltiples posibilidades que actualmente ofrecen a intelixencia artificial e as tecnoloxías da linguaxe natural para a creación de aplicacións e servizos de uso cotián baseados nas linguas, como son os sistemas de tradución automática ou os asistentes virtuais.

No curso presentaranse os fundamentos científicos da intelixencia artificial e as tecnoloxías lingüísticas, xunto coas bases tecnolóxicas das aplicacións e os recursos que lle dan valor. As presentacións faranse dunha maneira accesible, atractiva e tamén práctica, resaltando este último compoñente aplicado co desenvolvemento de talleres para a creación dalgúns destes recursos.

Presentaranse tamén diversas iniciativas existentes a todos os niveis (gobernamental, académico e empresarial), que inciden no interese que ten para todas as linguas a súa presenza na sociedade, economía, e, xa que logo, no mundo dixital. Bos exemplos son o Proxecto Nós para a lingua galega, o Projecte AINA para a lingua catalá, o Plan Gaitu para o eúscaro, o PERTE en español: Nueva economía de la lengua para o español e as restantes linguas cooficiais do Estado ou iniciativas europeas como os proxectos European Language Equality ou CLARIAH.

MATRÍCULA

A matrícula debe formalizarse a través da páxina oficial da Universidade de Verán da USC, onde está dispoñible toda a información relativa a prezos, recoñecemento de créditos, etc. Unha vez na páxina, é preciso buscar o curso 16. TECNOLOXÍAS DA LINGUAXE: AS LINGUAS NA SOCIEDADE E NA ECONOMÍA DIXITAIS e seguir as instrucións de matrícula.

O prazo de matrícula estará aberto ata o 1 de xullo de 2022.

A taxa xeral é de 120 € e a taxa reducida (estudantes de todos os niveis, pensionistas, desempregados/as, socios/as da Asociación de Antigos Alumnos da USC, PDI e PAS da USC) é de 70 €. Ademais, todas as persoas que non estean cubertas polo seguro escolar obrigatorio do INSS, deben subscribir o seguro obrigatorio de accidentes e asistencia en viaxe que terá un custo de 17,50 €. Unha vez formalizada a matrícula, non se efectuarán devolucións excepto no caso de suspensión do curso.

Tamén se pode formalizar a matrícula directamente accedendo á Secretaría Virtual da USC.

SEDE DO CURSO

Escola Técnica Superior de Enxeñaría, rúa de Lope Gómez de Marzoa, s/n, 15705 Santiago de Compostela (GPS: 42.87304, -8.56074)

Máis información e programa completo e actualizado no web do curso.

Utiliza a nova

Enviar por Email  Enviar nova
Redes sociais  Chuza! Meneame del.icio.us digg Fresqui

Comentarios


Hemeroteca:  2007 2008 2009 2010 2011 2012 2013 2014 2015 2016 2017 2018 2019 2020 2021 2022 2023 2024

Avisos

    mes anterior
    Marzo de 2024
    mes seguinte
    Calendario da axenda de Artezanía de Galicia
    L M M X V S D
            1 2 3
    4 5 6 7 8 9 10
    11 12 13 14 15 16 17
    18 19 20 21 22 23 24
    25 26 27 28 29 30 31
    Próximos eventos

    • Asociate á CTNL
    • Agasallo. Propostas de regalos en galego
    • LGx15
    • Premios Mil Primaveras
    • Viveiro de propostas normalizadoras
    • En defensa do traballo xusto e ilusionante dos SNL
    • Envianos
    • Canles de novas da CTNL
    • Facebook da CTNL
    • Twitter da CTNL
    • Instagram da CTNL
    • Kit para a normalización en rede
    • Proxector
    • Queremos Galego
    • Eu.gal: Por un dominio galego