Convocatorias

12-12-2022

O Concello de Muros publica as bases xerais e específicas para a provisión definitiva da praza de TNL

Ao abeiro da Lei 20/2021, do 28 de decembro, de medidas urxentes para a redución da temporalidade no emprego público, o Concello de Muros publicou no BOP do 12 de decembro as bases xerais e específicas polas que se regulan os procesos de selección, que inclúen a praza de técnico/a de normalización lingüística.

SISTEMA DE SELECCIÓN

Concurso de méritos, onde se valorará a experiencia laboral (até 90 puntos) e os méritos académicos (até 10 puntos).

REQUISITOS DE TITULACIÓN

Estar en posesión ou en condición de obter, antes do remate do prazo de presentación das instancias, a titula­ción de Licenciatura en Filoloxía Galego-Portuguesa, Filoloxía Galega ou Filoloxía Hispánica (subsección Galego-Portugués), Grao en Lingua Galega, ou titulado en calquera outra licenciatura/grao pertencentes á área de Humanidades ou de Ciencias Xurídicas e Sociais, sempre que se dispoña do Celga 5.

PRAZO DE PRESENTACIÓN DE SOLICITUDES

Será de 20 días hábiles desde o día seguinte á publicación do anuncio da convocatoria no BOE. O anuncio no BOE publicouse o 26 de decembro de 2022; polo tanto, o prazo finaliza o 24 de xaneiro de 2023.

Bases xerais e específicas, en .pdf (BOP da Coruña do 12 de decembro de 2022)

Anuncio no DOG, en .pdf (DOG do 2 de xaneiro de 2023)

Anuncio no BOE, en .pdf (BOE do 26 de decembro de 2022)

Publicación da listaxe provisional de persoas admitidas, en. pdf (BOP do 17 de febreiro de 2023)

Publicación da listaxe definitiva de persoas admitidas e da composición do tribunal, en. pdf (BOP do 10 de marzo de 2023)

Información sobre todos os procesos selectivos ao abeiro da Lei 20/2021 que afectan a prazas de lingua aquí e aquí.