Convocatorias

27-12-2022

O Concello de Santiago de Compostela publica as bases específicas para a provisión definitiva dunha praza de TNL

Ao abeiro da Lei 20/2021, do 28 de decembro, de medidas urxentes para a redución da temporalidade no emprego público, o Concello de Santiago de Compostela publicou no BOP do 27 de decembro as bases específicas polas que se regula o proceso de selección de varias prazas de emprego temporal, entre elas, unha praza de técnico/a de normalización lingüística.

SISTEMA DE SELECCIÓN

Concurso-oposición, coas seguintes fases:

- Fase de oposición: será anterior á fase de concurso e non terá carácter eliminatorio. Valorarase co 60% da puntuación total. Consistirá en responder un cuestionario tipo test de 100 preguntas (temario no anexo I da convocatoria).

- Fase de concurso: terá unha valoración máxima do 40% da puntuación total. Valoraranse méritos profesionais, formación e superación de procesos selectivos.

REQUISITOS DE TITULACIÓN

Título de grao en Lingua e Literatura Galega

PRAZO DE PRESENTACIÓN DE SOLICITUDES

Será de 20 días naturais desde o día seguinte á publicación do anuncio da convocatoria no BOE. Este anuncio saíu publicado no BOE do 31 de decembro de 2022; polo tanto, o prazo finaliza o 20 de xaneiro de 2023.

BOLSA DE EMPREGO

Desta convocatoria, tal e como se prevé nas bases xerais, derívase tamén a creación dunha bolsa de emprego que habilitará unha listaxe de persoas aspirantes para aqueles subgrupos e categorías en que non exista lista de agarda. En caso de existir listaxe de agarda, as persoas aspirantes que non superen o proceso selectivo incorporaranse a ela.


Bases específicas, en .pdf (BOP da Coruña do 27 de decembro de 2022)

Anuncio da convocatoria no BOE, en .pdf (BOE do 31 de decembro de 2022)

Publicación da listaxe provisional de persoas admitidas e excluídas, en .pdf (BOP da Coruña do 16 de marzo de 2023)

Corrección de erros da oublicación da listaxe provisional de persoas admitidas e excluídas, en .pdf (BOP da Coruña do 17 de marzo de 2023)

Información sobre todos os procesos selectivos ao abeiro da Lei 20/2021 que afectan a prazas de lingua aquí e aquí.