CTNL

Actualmente non ten instalado ou necesita actualizar o plugin Flash Player necesario para visualizar correctamente esta web
pode descargalo na siguiente dirección.
Obtener Flash

A CTNL formámola... A CTNL formámola...
Recursos na rede Recursos na rede

CTNL


1310 votos
Votar | | | |


28-03-2023

A CTNL presenta alegacións á modificación da RPT de Culleredo

Concello de Culleredo
A CTNL presentou alegacións á aprobación inicial da modificación da relación de postos de traballo do Concello de Culleredo, acordo que converte a praza de técnico/a de normalización lingüística en técnico/a de cultura.






No Boletín Oficial da Provincia da Coruña do 22 de febreiro de 2023 o Concello de Culleredo publicou o anuncio da aprobación inicial da modificación da súa relación de postos de traballo (RPT), acordo adoptado polo Pleno da Corporación o día 10 de febreiro de 2023.

Na proposta de modificación da relación de postos de traballo cámbiase a denominación da praza de técnico/a de normalización lingüística que existiu durante 20 anos nos catálogos de postos anteriores para convertela nunha praza de técnico/a de cultura con só tres funcións relacionadas coa normalización lingüística.

Alén diso, tamén se modifica a titulación de acceso, que pasa a ser licenciatura en Lingua Galega, grao en Xestión Cultural ou equivalente, e o requisito lingüístico, que se reduce a Celga 4 ou equivalente.

Esta modificación da relación de postos de traballo supón na práctica a supresión do servizo de normalización lingüística para reconvertelo nas funcións parciais dun servizo de cultura, nun concello de máis de 30 000 habitantes, da área metropolitana da Coruña e cun índice alto de uso do castelán como lingua de comunicación.

Por este motivo, a CTNL presentou alegacións ao acordo co fin de que non se modifique a denominación do posto de técnico/a de normalización lingüística e se manteña con todas as súas funcións o servizo de normalización lingüística, o departamento que precisa a entidade local para exercer as súas competencias en materia de promoción da lingua. Tamén se solicita que se establezan as titulacións necesarias para a praza, que se detallen as funcións do posto e que o requirimento lingüístico sexa o Celga 5, todo de acordo coas ordes se subvencións da Deputación Provincial da Coruña e da Xunta de Galicia. Precisamente estas axudas supuxeron para o Concello de Culleredo case 20.000 euros en 2022 e 82.458,72 euros nos últimos cinco anos.

A modificación da praza e das súas funcións limita a efectividade do labor de promoción do uso e do prestixio da lingua pois redúceo a actividades culturais, cando as intervencións desde o departamento de normalización lingüística deben ser carácter transversal. Así o especifica a Lei de normalización lingüística (LNL) no seu artigo 25 (O Goberno galego e as corporacións locais dentro do seu ámbito fomentarán a normalización do uso do galego nas actividades mercantís, publicitarias, culturais, asociativas, deportivas e outras).

Portal de transparencia do Concello de Culleredo, onde se pode consultar a documentación sometida a información pública.


Ligazóns relacionadas


Alegacións á modificación da RPT de Culleredo

Utiliza a nova

Enviar por Email  Enviar nova
Redes sociais  Chuza! Meneame del.icio.us digg Fresqui

Comentarios


Hemeroteca:  2007 2008 2009 2010 2011 2012 2013 2014 2015 2016 2017 2018 2019 2020 2021 2022 2023 2024

Avisos

    mes anterior
    Outubro de 2023
    mes seguinte
    Calendario da axenda de Artezanía de Galicia
    L M M X V S D
                1
    2 3 4 5 6 7 8
    9 10 11 12 13 14 15
    16 17 18 19 20 21 22
    23 24 25 26 27 28 29
    30 31      
    Próximos eventos

      • Asociate á CTNL
      • Agasallo. Propostas de regalos en galego
      • LGx15
      • Premios Mil Primaveras
      • Viveiro de propostas normalizadoras
      • En defensa do traballo xusto e ilusionante dos SNL
      • Envianos
      • Canles de novas da CTNL
      • Facebook da CTNL
      • Twitter da CTNL
      • Instagram da CTNL
      • Kit para a normalización en rede
      • Proxector
      • Queremos Galego
      • Eu.gal: Por un dominio galego