Formación

10-09-2024

No novo curso da CTNL aprenderemos a empregar as redes sociais como ferramentas valiosas para a NL

POR QUE ESTE CURSO?

As finalidades deste curso son:
- Coñecer de primeira man as posibilidades e oportunidades que ofrece a contorna dixital en procesos de normalización lingüística.
- Descubrir as principais ferramentas, como poden axudarnos en cada proceso (ou mesmo ás veces prexudicarnos), aprender a deseñar unha estratexia marcada e conseguir optimizalas para que con menos investimento de tempo e recursos poidamos sacarlles o máximo proveito.
- Aprender a empregar a creatividade nelas para usar valor de marco.

OBXECTIVOS DO CURSO

- Coñecer aos principais recursos dixitais que temos á nosa disposición.
- Entender as tendencias, como son os hábitos de consumo delas e o seu uso.
- Aprender as súas dinámicas internas.
- Descubrir como crear unha estratexia tanxible e medible con base nos obxectivos.
- Ver casos prácticos de éxito.
- Coñecer a linguaxe dixital que conforma todo o que é unha estratexia de márketing dixital.

CONTIDOS

Módulo 1. A contorna dixital na actualidade
- O proceso de transformación dixital que estamos vivindo.
- Oportunidades e ameazas da nova contorna.
- Chegou a IA. Cara a onde imos?
- Centrémonos no máis aplicable, que está funcionando? Exemplos prácticos
- Landings e redes sociais

Módulo 2. As redes sociais en profundidade
- Situación actual do panorama das redes sociais.
- Unha por unha: Facebook
- Pinterest
- X
- Instagram
- Tik Tok
- Cal é a máis adecuada para min?
- Práctica

Módulo 3
- Calendario editorial
- Modelos de IA para auxiliar procesos
- Ferramentas de uso máis práctico. Aplicación práctica.
- A importancia do libro de estilo para a xeración de marca.

Módulo 4
- Os podcast e streaming en desenvolvemento.
- Canles de vídeo
- Xeración de engagement

Módulo 5
- As comunidades virtuais. Tipos de perfís. Segmentación de target e comunidade.
- Campañas disruptivas. Exemplos. Vantaxes e desvantaxes.
- Medición de datos e retargeting
- Campañas de ADS. G.Grants

Peche da formación con presentación e intercambio, sobre cada proxecto, de práctica e impresións. Brainstorming final e conclusións.

DOCENTE

Verónica Ramallal Trevín, CEO de Pekecha
Licenciada en Comunicación Audiovisual pola Universidade de Vigo, cun máster pola Escola de Medios de La Voz de Galicia e curso de aptitude pedagóxica pola Universidade de Santiago de Compostela.
Na actualidade é a CEO de Pekecha como formadora en áreas de Márketing Dixital para cámaras de comercio, confederacións empresariais e varias universidades e escolas de negocio.

PERSOAS DESTINATARIAS

- Técnicos/as de servizos de normalización lingüística (SNL)
- Traballadores/as de empresas, asociacións e outras entidades relacionadas coa normalización da lingua
- Membros de equipos de normalización e dinamización da lingua do ensino
- Persoas interesadas en traballar pola normalización da lingua
Límite de prazas: 25

DURACIÓN DO CURSO

15 horas

DATAS E HORARIO

- 17 de outubro de 2024, en horario de 9.00 a 13.30 h (aula B13)
- 24 de outubro de 2024, en horario de 9.00 a 13.30 h (aula D07)
- 31 de outubro de 2024, en horario de 9.30 a 13.30 h e de 16.00 a 18.00 h (aula D07)

LUGAR DO CURSO

Na Facultade de Filoloxía da Universidade de Santiago de Compostela (Campus Norte, avenida de Castelao, s/n, Santiago de Compostela)

PREZO

- Para socias/os da CTNL: 30 euros
- Para estudantes ou persoas desempregadas: 45 euros
- Para non socias/os da CTNL: 80 euros

PRAZO DE INSCRICIÓN

-Do 16 de setembro ao 7 de outubro de 2024

AVISO: non se habilitará o formulario de inscrición ata que comece este prazo.

ORGANIZA

-Coordinadora de Traballadores/as de Normalización da Lingua (CTNL)

COLABORAN

-Universidade de Santiago de Compostela (Facultade de Filoloxía)
-Consellería de Cultura, Lingua e Xuventude (Secretaría Xeral da Lingua)

Información completa e formulario de inscrición

Convocatoria completa, en .pdf