CTNL

Actualmente non ten instalado ou necesita actualizar o plugin Flash Player necesario para visualizar correctamente esta web
pode descargalo na siguiente dirección.
Obtener Flash

A CTNL formámola... A CTNL formámola...
Recursos na rede Recursos na rede

CTNL


9382 votos
Votar | | | |


07-07-2008

A Xunta deixa de financiar o mantemento dos servizos de normalización lingüística municipais e a CTNL pídelle que rectifique

Espiral de cores
Na convocatoria de subvencións deste ano da Consellería de Presidencia ás entidades locais para a normalización lingüística déixase de financiar o mantemento dos SNL xa existentes nos concellos galegos. Isto pode provocar a desaparición dalgúns SNL existentes, polo que a CTNL pídelles á Consellería de Presidencia e a Política Lingüística que rectifiquen.


Desde 1991 a Xunta de Galicia viña mantendo unha liña de subvencións para a creación e mantemento de servizos de normalización lingüística municipais e para a realización de campañas de normalización desde os concellos, mais neste ano 2008 a convocatoria de subvencións –feita pola Consellería de Presidencia, Administracións Públicas e Xustiza con fondos do orzamento da Secretaría Xeral de Política Lingüística– deixa de prever o financiamento do mantemento dos SNL, e só prevé a creación de novos departamentos ou a contratación de novo persoal, pero non o financiamento do persoal xa existente.

Por esta razón, a Coordinadora de Traballadores/as de Normalización da Lingua (CTNL) considera que isto supón un claro retroceso con respecto a anos anteriores, pois debido á inestabilidade, precariedade e dependencia de subvencións destes gabinetes deixalos de financiar pode provocar a desaparición dalgúns SNL existentes en concellos galegos.

Desde a CTNL fixéronse diversas propostas de mellora para esta liña de subvencións, que se lles fixeron chegar tanto á Secretaría Xeral de Política Lingüística como á Consellería de Presidencia en repetidas ocasións (febreiro de 2008, novembro de 2007, xuño de 2007, etc.), mais a convocatoria deste ano, lonxe de ser, en xeral, un avance con respecto a anos anteriores, ten que ser considerada pola CTNL como un claro retroceso, pois non se modificaron as cuestións máis problemáticas de pasadas convocatorias, como a tardanza de publicación (algo do que xa se lle advertiu á SXPL a principios de ano); que a tradución siga a considerarse unha función principal dos SNL, cando a documentación municipal xa debe ser redactada en galego, non noutro idioma e logo traducida polo SNL; que non hai ningún tipo de requisito sobre o tipo de contrato, a categoría laboral, etc., e nin sequera o tipo de contratación é un criterio de puntuación; e que se segue a poñer como requisito que o persoal dos SNL posúa a licenciatura en Filoloxía Galega (galega, galego-portuguesa ou hispánica na sección galego-portugués), cando o traballo en normalización lingüística debe ser moito máis multidisciplinar e non se debe limitar só a coñecementos lingüísticos.

Todo isto coa agravante de que nesta convocatoria se deixa de colaborar no financiamento do mantemento dos SNL xa existentes nas administracións locais galegas.

SOLICITUDE DA CTNL

Por estas razóns, a CTNL solicítalle, unha vez máis, tanto á Secretaría Xeral de Política Lingüística como á Consellería de Presidencia, que se modifique a Orde do 12 de xuño de 2008 pola que se regula a concesión de subvencións ás entidades locais para a normalización da lingua galega (DOG do 24 de xuño) principalmente nos seguintes puntos:
  • Que haxa unha modalidade de axuda para o mantemento dos SNL xa existentes nos concellos galegos.

  • Que se axusten as funcións ás propias dun SNL: dinamización lingüística, formación (socio)lingüística e asesoramento lingüístico, co obxectivo do incremento do uso e prestixio da lingua galega en todos os ámbitos do termo municipal (e que, polo tanto, non se considere a tradución como unha das funcións propias dos SNL).

  • Que os/as técnicos/as de normalización dos SNL estean en posesión dunha licenciatura (sen limitar esta a filoloxía galega e equivalentes) e que teñan praza ou estean contratados/as coa categoría laboral correspondente a un/unha licenciado/a.

Desde a CTNL considérase imprescindíbel, ademais, que dunha vez se poña en marcha o xa anunciado para 2007 Consorcio para a Planificación Lingüística (que nestes momentos a SXPL ten paralizado) e que tamén dunha vez Política Lingüística asuma a súa función de coordinar o labor dos SNL, até o momento totalmente esquecida.


DOCUMENTOS
REPERCUSIÓN NOS MEDIOS

Utiliza a nova

Enviar por Email  Enviar nova
Redes sociais  Chuza! Meneame del.icio.us digg Fresqui

Comentarios


Hemeroteca:  2007 2008 2009 2010 2011 2012 2013 2014 2015 2016 2017 2018 2019 2020 2021 2022 2023 2024

Avisos

    mes anterior
    Decembro de 2018
    mes seguinte
    Calendario da axenda de Artezanía de Galicia
    L M M X V S D
              1 2
    3 4 5 6 7 8 9
    10 11 12 13 14 15 16
    17 18 19 20 21 22 23
    24 25 26 27 28 29 30
    31       
    Próximos eventos

    • Asociate á CTNL
    • Agasallo. Propostas de regalos en galego
    • LGx15
    • Premios Mil Primaveras
    • Viveiro de propostas normalizadoras
    • En defensa do traballo xusto e ilusionante dos SNL
    • Envianos
    • Canles de novas da CTNL
    • Facebook da CTNL
    • Twitter da CTNL
    • Instagram da CTNL
    • Kit para a normalización en rede
    • Proxector
    • Queremos Galego
    • Eu.gal: Por un dominio galego