CTNL

Actualmente non ten instalado ou necesita actualizar o plugin Flash Player necesario para visualizar correctamente esta web
pode descargalo na siguiente dirección.
Obtener Flash

A CTNL formámola... A CTNL formámola...
Recursos na rede Recursos na rede

Formación


2291 votos
Votar | | | |


14-07-2008

Comeza en Carballo o Curso de verán sobre novas tecnoloxías e dinamización lingüística

Do martes 15 ao xoves 17 de xullo terá lugar no Pazo da Cultura de Carballo o Curso de verán «Traballando en Lingua», Novas Tecnoloxías e Dinamización Lingüística, organizado polo Servizo de Normalización Lingüística da Universidade da Coruña en colaboración co Concello de Carballo, a Coordinadora de Traballadores/as de Normalización da Lingua e a Deputación da Coruña.


Ao longo de tres días polo Pazo da Cultura de Carballo pasarán numerosos expertos en novas tecnoloxías e dinamización lingüística para participar no curso «Traballando en lingua», no que se traballarán temas como a alfabetización tecnolóxica e o alcance das TIC en Galiza, as oportunidades que ofrece o software libre, os espazos e recursos para o galego na rede, as tecnoloxías lingüísticas, as ferramentas de enxeñerías lingüística, o software en galego para o mundo da empresa, os contidos dixitais, etc.

No curso participarán 60 alumnos e alumnas e por el pasarán como relatores/as máis de 20 expertos/as de Cataluña, Estremadura e Galiza.

Na conferencia inaugural, o martes 15 ás 11.00 h, participará o delegado provincial da Coruña da Consellaría de Innovación e Industria, Xosé Luís Barcia, xunto con Antonio Pérez Casas, que falarán da alfabetización tecnolóxica e o alcance das TIC en Galiza. A continuación, o coordinador do Plan de alfabetización tecnolóxica e software libre de Estremadura, Rubén Mancera, falará sobre as bases de alfabetización tecnolóxica e o achegamento á realidade cultural. O mesmo martes, xa pola tarde, diversos expertos galegos centraranse nas oportunidades que ofrece o software libre, e tamén se presentarán espazos e recursos para o galego na rede.

O mércores 16 a profesora da Universidade de Barcelona Toni Martí centrará a súa sesión nas tecnoloxías lingüísticas para o galego, e José Ramón Pichel fará unha aproximación ás ferramentas de enxeñería lingüística para a naturalización do idioma galego. Pola tarde presentarase o software libre como porta aberta para a normalización.

O xoves 17 o director de Culturagalega.org, Manuel Gago, formará aos/ás participantes no curso en contidos dixitais en galego, e presentaranse ademais recursos culturais e pedagóxicos en rede por parte de Xoán Costa, Henrique Quintáns, Manuel Bragado e Camilo Regueiro. As sesións formativas serán pechadas por Xavier Gómez Guinovart, que falará sobre as tecnoloxías da linguaxe na normalización e dinamización lingüística.

Para rematar, o director, os actores e a actriz protagonista de Pradolongo presentarán este filme, que se proxectará a partir das 22.30 h na Praza do Concello de Carballo.

Utiliza a nova

Enviar por Email  Enviar nova
Redes sociais  Chuza! Meneame del.icio.us digg Fresqui

Comentarios


Hemeroteca:  2007 2008 2009 2010 2011 2012 2013 2014 2015 2016 2017 2018 2019

Avisos

    mes anterior
    Novembro de 2019
    mes seguinte
    Calendario da axenda de Artezanía de Galicia
    L M M X V S D
            1 2 3
    4 5 6 7 8 9 10
    11 12 13 14 15 16 17
    18 19 20 21 22 23 24
    25 26 27 28 29 30  
    Próximos eventos

    • Agasallo. Propostas de regalos en galego
    • Asociate á CTNL
    • Gústame... o galego
    • Viveiro de propostas normalizadoras
    • Proposta para a mellora da planificación e xestión dos Celga
    • Traballarmos en dinamización lingüística | Isa Vaquero
    • En defensa do traballo xusto e ilusionante dos SNL
    • Axenda da lingua
    • Envianos
    • Canles de novas da CTNL
    • Facebook da CTNL
    • Kit para a normalización da lingua
    • Queremos Galego
    • Eu.gal: Por un dominio galego